نشطاء لـ"ريهام سعيد": هي الجامعة الأمريكية علمتك تدافعي عن المتحرشين؟

دشن رواد مواقع التواصل الاجتماعى هاشتاجا بعنوان "ريهام سعيد" اعتراضا على تصريحاتها المثيرة عن التحرش ودفاعها عن المتحرشين خلال الحلقة التي قدمتها أمس الثلاثاء ببرنامج "صبايا الخير".

وعلقت ريهام سعيد خلال الحلقة على واقعة اعتداء شاب على إحدى الفتيات داخل أحد مولات مصر الجديدة، بعد محاولته التحرش بها لفظيا، قائلة: "زي ما فيه متحرشين في الشارع.. في بنات زودتها على الآخر، وياريت تلمو بناتكم شوية وتحافظوا عليهم مش هيحصل حاجة".

فشن رواد مواقع التواصل الاجتماعي "فيسبوك" و"تويتر" هجومًا على الإعلامية ريهام سعيد، مؤكدين أنها بذلك تدافع عن المتحرشين وترمي باللوم كله على البنات.

فقالت أمينة محمود عبر حسابها بـ"تويتر": "ماحدش قال لريهام سعيد إن اللي يمد إيده على واحدة يبقى لامؤاخذة، دي بتبرر التحرش والضرب كمان، هايل الانحطاط اللي

وصلناله هايل فعلا".

وقالت نهي عادل: "هي الجامعة الأمريكية علمتك ان عشان البنت لابسة ضيق وكت أو بتشرب يبقي ده مبرر انها تقبل ان حد يتحرش بيها؟".

وأضاف هيثم علي: "ريهام سعيد بتقول صورت مع البنت اللي اتحرش بيها واحد فى المول ومش مصدقاها وان مفيش راجل هيضربها من الباب للطاق، مبهر التبرير الجديد".

وعبرت مني عيسي عن استيائها من تصريحات ريهام سعيد قائلة: "تفتكرو انا ممكن ازعل لو حد قرر يفضح ريهام سعيد  بصورها، ده انا أوزع سجاير ببلاش والله".