محمد الحمامصي: سعيد بمشاركتي في "هربانة منها" و"خاطر" خفيف الظل

أعرب الفنان الشاب محمد الحمامصي، عن سعادته بمشاركته في مسلسل "هربانة منها"، قائلًا " هربانة منها انا ليا الشرف انى اشتغلت فيه واللى بسطنى اوى انه كان دور كوميدى وانا نفسى العب كوميديا لأنى بعشقها وخصوصا كوميديا الموقف".

وأكد الحمامصي في تصريح خاص لـ"بـوابـة الـوفـد" أن الفنان مصطفي خاطر من افضل الممثلين الذي عمل معهم، لافتًا ان خاطر خفيف الظل والعمل معه مريح، قائلًا" حسىت اننا بنمثل مع بعض بقالنا زمن من كتر ماكنا فاهمين بعض يوميها".

وعن كواليس العمل قال:" كواليس "هربانه منها" كل الناس بتحب بعضها وكان اول مرة اتعرف على مصطفى خاطر فضلنا انا وهو قبل المشهد نظبط المشهد فالكرفان بتاعه لحد مالمخرج معتز التوني  قال اكشن علشان نطلعه بالشكل اللى ظهر للجمهور علي الشاشة".

وعن بداية موهبته قال:"بداية موهبتي من المسرح وبنائها ونموها من المسرح وليا الشرف، دخلت المجال عن طريق انى اشتغلت فالإنتاج وأقدمت علي كورسات ورش تمثيل".

وعن الفنان الذي يتمني العمل معه قال :"الفنان اللى اتمنى العمل معاه جميع الفنانين مش حد معين".

وعن المخرجين الذي يتمني العمل معهم :" بصراحه المخرجين الذي أتمني العمل معهم .مروان حامد وتامر محسن وشريف عرفة ومحمد شاكر خضير واحمد خالد موسى، وأضاف وطبعا الأستاذ محمد ياسين

هو يوسف شاهين التاني مش محتاجه كلام".

وتابع "الأسامى دى بتشتغل فن بجد مالوش اى علاقة بالتجارة وان كان التجارى فيهم شوية المخرج احمد خالد موسى ودا بحكم نجاحه لأنه شغال مع نجم شباك مثل الفنان احمد السقا،  بس دا ميمنعش انه مخرج شاطر جدا وكادراته كلها رائعة وتامر محسن مبيعملش غير حاجة ليها هدف فقط، وأشار أن شريف عرفة ومحمد شاكر خضير قنبلة فن كامله، ومروان حامد بعد فيلم "الاصلين" اثبت انه مخرج للفن فقط ولا يمت باى صله للتجارة او المكسب او الايرادات".

وعن الأعمال التي يتمني تقديمها قال:"نفسى ارجع الأفلام التاريخية بس بمهارة وتِقْنيّة برا وأنا عارف انها بها مخاطره كبيره علي المنتجين بس دا حلمى ان شاء الله".

وعن مثله الأعلي قال:"مثلي الأعلي في الحياة الكابتن أبو تريكه، لكن في التمثيل jack neckilson