رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين

فيديو.. محمد الباز: الهجوم على فيلم أصحاب ولا أعز خطأ من المصريين

الإعلامي محمد الباز
الإعلامي محمد الباز

 قال الإعلامي محمد الباز، إن حديث الناس في مصر حاليًا على منصات التواصل الاجتماعي، عن فيلم أصحاب ولا أعز، معقبًا: "ده فيلم بتعرضه منصة نتفليكس.. وهو نسخة من فيلم إيطالي اتعمل منه 17 نسخة، واسمه غرباء بالكامل".

 

اقرأ أيضًا

فيديو.. عمرو أديب: "أصحاب ولا أعز" فيلم جيد.. ومنى زكي مثلت كويس

 

 وأوضح محمد الباز، خلال برنامجه "آخر النهار"، المُذاع عبر فضائية "النهار"، أن الفيلم يحكي عن 3 رجال وزوجاتهم، معقبًا: "رايحين يقعدوا مع بعض واتفقوا إنهم يسيبوا التليفونات قدامهم ولو موبايل جاتله رسالة.. كلهم يشوفوها.. ولو موبيل رن.. كلهم يسمعوا المكالمة".

 

 وتابع الإعلامي: "فيلم أصحاب ولا أعز اتعمل بنفس السيناريو بتاع الفيلم الإيطالي، وبنفس الديكور، ونفس كل حاجة.. والفيلم بيدور حول خيانة زوجية، وصاحب شاذ.. وبنت صغيرة تُقيم علاقة جنسية مع صاحبها".

 وأردف: "الناس اتفزعت والمجتمع اتخض.. وأنا اتفاجئت من إن فيه محامي عزيز عليا رفع دعوى قضائية ضد وزيرة الثقافة اعتراضًا على الفيلم.. وبعدين لقيت فيه بيان عاجل تقدم بيه أيضًا لوقف الفيلم

من إنه يتعرض بشكل عام.. "إحنا كمصريين غلطنا في إن إحنا بنهاجم الفيلم وإحنا ملناش علاقة بيه أصلاً.. فيه حالة فوضى كده المفروض نعملها ضبط".

 

 وأكمل: "لقيت بيان عاجل في البرلمان من الزميل العزيز مصطفى بكري، ضد الفيلم.. وإنذار للمصنفات الفنية.. ومشروع قانون داخل البرلمان لتجريم المثلية الجنسية.. وإحنا أصلاً ملناش دعوة بالحكاية.. الفيلم معروض على منصة عالمية.. ومصر ملهاش علاقة بيه".

 

 وعقب: "انت كده بتحارب عدو مش موجود.. ده إذا كان موجود أصلاً.. ومنصة نتفليكس مغلقة.. وإنت بتخش فيها باشتراك مهياش تليفزيون عام يعني.. وفيه تصنيف للفيلم داخل المنصة.. يبقى كده الناس عملوا اللي عليهم".

للمزيد من أخبار الميديا اضغط هنا