ظافر العابدين يثير "غيرة" الفتيات على مواقع التواصل

أثار دور "حاتم" زوج الفنانة نيللي كريم الذي يقدمه الفنان ظافر العابدين بمسلسل "تحت السيطرة" إعجاب وغيرة الفتيات على مواقع التواصل الاجتماعي بسبب رقة ورومانسية الشخصية التي يقدمها وحنانه على زوجته.

وتداول رواد مواقع التواصل صور لشخصية ظافر بمسلسل "تحت السيطرة"، وعلقوا عليها ساخرين :"دا مش موجود في الوجود".

ومن جانبها قالت إسراء محمد :" أنا باجي على نفسي وأدوس على قلبي ومتفرجش على المسلسل بسببه عشان بفضل أدور على حد زيه في المجتمع اللي حواليا مبلاقيش فبيجيلي اكتئاب طب وعلى إيه".

وأضافت صفاء ثابت ساخرة:" ماهي المسلسلات دي اللي زودت معدل الطلاق في مصر".

وطالبت مي عشماوي الجمهور بعدم الانخداع بشخصية البطل، قائلة:" هيقولها مش هقدر أكمل..اتوكسوا".

وأضافت دعاء محمد :" المسلسلات دى بتخلينا نتمسك أكتر بأحلامنا

وندور على الحب دا اللى هو أصلا مبقاش موجود فى مجتمعنا وفى الآخر بنتصدم بالواقع".

بينما أكدت نيرة محمد أن شخصية "حاتم" غير واقعية، قائلة:" اه بس أهو في الآخر تمثيل ومفيش حد كدا ف الحقيقه كله بيخون".

وأعربت نيرة عن حبها الشديد لدور ظافر العابدين بمسلسل تحت السيطرة، قائلة:" ده أنا جالي اكتئاب بسببه هو فيه كده هو فيه كده ف الدنيا ده لو معايا شخص زي ده مش هبقاه عايزه حاجه تاني من الدنيا والله".