فيديو ـ سيد على يهاجم القوات المسلحة ويعتذر لباسم يوسف

هاجم الإعلامي سيد علي، جهاز الشئون المعنوية بالقوات المسلحة المصرية، وطالبها بالاعتذار للإعلامي الساخر باسم يوسف، والدكتور عصام حجي، لصدق "ما قالوه عن جهاز (كفتة عبدالعاطي ) الذى زعم انه يعالج فيرس سي والايدز".

وقال "علي" في برنامجه "حضرة المواطن" على قناة "العاصمة"، مساء الاثنين،: "جهاز الشؤون المعنوية وأولي الأمر في مصر بيتعاملوا مع الشعب كأنه خرفان، ومحدش بيطلع يعبرنا بأي كلمة، ولا حد طلع حتى عرفنا وضع الجهاز إيه لحد دلوقتي".

وتابع: "نفس الحكاية لعصام حجي، وأنا بعتذر شخصيا له بعدما هاجمته وصدقت كلام المسؤولين في مصر، كنت مصدق البهوات بتوع الشؤون المعنوية اللي بتتعامل معانا كأننا خرفان، وبتبعت لنا وإحنا ننشر دون تحري وتدقيق وراء كلامها".

واختتم سيد علي: "أنا عارف إن الكلام ده ممكن يعمللي أزمة، ولكني لا أخاف وأقول الحقيقة".