أسامة كمال: خايف الأمم المتحدة تعترف بـ"داعش"
سخر الإعلامى أسامة كمال، من أدوار منظمة الأمم المتحدة التى تلعبها فى المنطقة، قائلا: خايف أحسن تعترف الأمم المتحدة بتنظيم داعش زى ما اعترفت بعصابة إسرائيل".
وأضاف "كمال" خلال برنامجه "القاهرة 360 " على قناة "القاهرة والناس": "زي النهارده من 66 سنة عصابة بقت عضو في مجلس الأمم المتحدة بقرار من الدول الكبرى وعلى مدى الـ 66 سنة وقبلهم سنوات من أيام وعد بلفور واحنا بنصدر بيانات وشعارات وخاضت مصر حروبا ضد إسرائيل، لأ وكمان عندها سلاح نووي واقتصاد متفوق.. ومش بس كده نجحت القوى العالمية بالتعاون مع قوى إقليمية وخيانة محلية في اننا ننقلب على بعض ويبقى العدو ناس كتير مش من بينهم اسرائيل اللي خرجت من سيناريو الفيلم زي الشعرة من
وتابع: "العدو النهارده كان امبارح أخ أو على أسوأ تقدير صديق والعدو مابنسمعش عنه.. بعد قرابة السبعين سنة ظهرت لينا تنظيمات وجماعات وعصابات خايف بكرة العالم يجتمع ويعتد بها عضو في الجمعية العامة للأمم المتحدة".
واختتم كمال مقدمته قائلا: "زي النهارده من 66 سنة ..عصابة بقت عضو في مجلس الأمم المتحدة بقرار من الدول الكبرى.. هنصحى وللا .. انا خايف اننا نلاقي أبو بكر البغدادي مترشح لرئاسة مجلس حقوق الإنسان التابع للأمم المتحدة.. واحتمال كبير يكسب".
شاهد الفيديو:
http://www.youtube.com/watch?v=gW4orxKTYs0