عفاف شعيب مطلوبة للزواج والعرسان عرض مستمر (شاهد)

أكدت الفنانة عفاف شعيب، أن مجال الفن أخذها من تكوين أسرة؛ وعرضت نفسها عدة مرات للإجهاض ولم تفكر مرة أخرى في الإنجاب، قائلة: حملت 3 مرات، وأول مرة أنا اللي أجهضت نفسي، ومحبتش أنجب تاني، والشغل والحياة خدتني.

 

وتابعت فيه شاب اتقدم ليا أصغر مني بـ 20 سنة،  وكان بيبعتلي صوره وكان عنده قصر، بس عيب واحدة في سني تتجوز، ولسه بيجلي عرسان بس أنا برفض، مستطردة:" يجيلي عرسان كتير لحد دلوقتي، بس أنا برفض لإن عيب ميصحش اتجوز في الوقت ده، وأنا قادرة اعف نفسي خلاص".

 

اقرأ أيضا: عفاف شعيب عن سر أناقتها: ربنا بيحب يشوف نعمه فبصرف واتشيك

 

وواصلت شعيب أنا ونسي ربنا سبحانه وتعالي ومش محتاجة راجل علشان أعف نفسي، الله خير ونيس"، مستطردة:" انا مش وحيدة وعايشة مع أخويا وولاده، ومحدش سايبني وكلهم بيحبوني وأنا بحبهم فمش بحاجة اني اتجوز".

 

وأكملت أنها رفضت أعمالًا عرضت

عليها في السينما، لأن بعض المشاهد تتطلب ظهورها بقميص نوم، أو مايوه، وهو أمر بالنسبة لها مرفوض.

وأوضحت شعيب:"اتعرض عليا أدوار كثيرة لا تناسبني، ولا أنزعج من المشاهد القديمة وظهوري بدون حجاب، لأنه سنين عمري مينفعش ألغيها من حياتي، هو تاريخ في حياتي، وشىء مشرف مفيهوش غلط".

 

يشار إلى أن برنامج "العرافة" امتدادًا لبرامج بسمة وهبة الرمضانية، والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.