السيسي: مصانع الأسمدة الأزوتية كلفت 800 مليون دولار (شاهد)

قال الرئيس عبد الفتاح السيسي، إن مصانع الأسمدة الأزوتية بالعين السخنة، تكلفت 800 مليون دولار، لافتًا إلى أن هذه التكلفة لا تشمل سعر الأرض.

 

اقرأ أيضًا .. بث مباشر .. افتتاح الرئيس السيسي مجمع الأسمدة الأزوتية بالعين السخنة 

 

وأضاف "السيسي" أن مصانع الأسمدة الأزوتية بالعين السخنة أخذ 4 سنوات ليخرج للنور، مؤكدًا أنه تم التعاقد مع أفضل الشركات فى العام لتنفيذ المشروع.

 

وأكد أن الدولة كانت تسعى لتنفيذ المشروعات فى أسرع وقت لكي نصل لأقصى قيمة واستفادة من الغاز الطبيعى من خلال إدخاله فى الصناعة وليس البيع.

 

وطالب الرئيس عبدالفتاح السيسي، الدكتور مصطفى مدبولي رئيس الوزراء، بتنظيم رحلات للشباب للتعرف على المشروعات القومية الجديدة، قائلًا: "من فضلكم اعملوا رحلات لطلبة المدارس والجامعات علشان يشوفوا المشاريع دي".

وتابع: "عاوز أقول للناس في مصر وللشباب شوفوا اللى بيتعمل بإيدين إخواتكم على مساحة مصر بالكامل، بنتكلم على حجم هائل لما تشوفوه هتطمنوا ومش هنسمح لحد يعبث بعقول شبابنا".
 
وواصل: "علينا دور بعيد خالص على اللى إحنا بنعمله، نورى شبابنا وشباب ثانوي يشوفوا المشروع دا وده برنامج الحكومة مع أجهزتها والمحافظات والوزرات اللى فيها الشغل ده".

 

وعلق الرئيس على محور التوسع الأفقي في الأراضي الجديدة من خلال مشروعات الدلتا الجديدة ومشروع توشكي، قائلًا: "بنتكلم عن إضافة 3.5 مليون فدان يعني تلت الأراضي الزراعية الموجودة حاليا  بنتكلم عن حوالي 9 ملايين فدان بنضيف حوالي التلت لهم من خلال مشروعات التوسع الأفقي". 

 

وأضاف "السيسى": "عاوز أقول للي بيسمعني دلوقتي اللى بنتكلم فيه دا مش بنتكلم في مشروع بسيط وطلباته من المياه أو طلباته من الأسمدة هتبقي ضخمة، ومش بتكلم خالص

على التجهيز كمشروع، ده موضوع تاني خالص، ده التوسع الأفقي اللى بنعمله".

 

وذكر الرئيس عبد الفتاح السيسي، إن الدولة المصرية تسعى إلى إعادة معالجة المياه فى مشروعات التوسع الأفقي.

 

وتابع: "عاوزين نطمن على المياه، وأنا بقول المشروع الأول والثالث.. مشروعات الزراعة في سيناء والدلتا بنتكلم في إعادة معالجة مياه الصرف الزراعي من خلال محطات معالجة عملاقة".

 

وواصل الرئيس حديث، قائلًا: "لما جينا في مايو الماضي نفتتح مجمع الأسمدة الفوسفاتية، وناس قالت ليه بتصدروا الفوسفات مادة خام، علشان نعمل ده خدنا 3 سنين، والمجمع الأول خد 3 سنين".

وأردف قائلًا: "لوخدنا قرار الأسمدة الأزوتية.. كجزء من الموضوع أنه كان عندنا غاز ممكن نعمل أسمدة أزوتية، فيه غاز ممكن نعمل بيه، أنا بقول الكلام لينا كلنا علشان تعرفوا الموضوع ازاي يخرج للنور.. لو مش عندنا غاز مش هنعمل المشروع ده".

 

وقام الرئيس عبدالفتاح السيسي اليوم الأربعاء بافتتاح مجمع الأسمدة الأزوتية بالعين السخنة، وذلك بحضور رئيس الوزراء الدكتور مصطفى مدبولي، وعدد من المسؤولين ورجال الدولة.

 

 السيسي: مشروعات التوسع الأفقى تضيف 3.5 مليون فدان للرقعة الزراعية (فيديو)