صاحب "بحة" يحذر من مطاعم السمين: "كلها لحوم حمير"| فيديو

 تداول رواد مواقع التواصل الاجتماعي، مقطع فيديو خطير منسوب إلى صاحب مطاعم "بحة"، والذي حذر فيه المواطنين من مطاعم السمين، التي تستخدم لحوم الحمير، قائلًا:" إن معظم مطاعم "السمين والحواوشي" تستخدم لحوم الحمير".

 

 

 

 اقرأ أيضًا.. حقيقة تداول لحوم حمير وترويجها للمواطنين بالقليوبية 

 

 

 وقال طلعت هاشم، عامل في مطاعم السمين سابقًا:" كل حاجة في لحم الحمير تستعمل، مثل الممبار والفشة، لأن ممبار الحمار زي ممبار العجول العجالي تمامًا، ويتحشي أرز ويتسلق ويتعلق على عربيات السمين زي سلك النور ولا أي حد يقدر يعرفه".

 

 وتابع:" هو حد دخل جواه وعرف إنه ممبار حمار ولا ممبار عجل، كيلو الممبار الفاضي دلوقتي بـ80 جنيهًا، كيلو الفشة عند الجزارين الأصليين ملوك الذبائح، عامل 100 جنيه، لازم نفهم، ست البيت تجيب الكيلو

أول ما تسلقه يكش وميكفيش عيل صغير، يجي بتاع السمين يبيع الساندوتش بـ 10 جنيهات، وكيلو الفشة مش هيعمل 6 أرغفة عيش، فين بقى حق كيلو الفشة والعيش والتوابل والإضافات، من غير مكسبي أنا بقى، كهرباء وغاز ومياه وعمالة وسلطة ومخلل".

 

 وذكر:" العامل الواحد يوميته مش أقل من 200 جنيه، وأنت عايز تكسب وتروح بفلوس، فأي عربية سمين، أو حواوشي ميقدرش يجيب عفشة العجول العجالي يخسر".

 

 جاء ذلك خلال تقرير تليفزيوني مذاع عبر العربية مصر.

 

 شاهد الفيديو..