السيسي يشيد بمذيعة مؤتمر التحالف الوطني (شاهد)
أشاد الرئيس عبدالفتاح السيسي، بأداء المذيعة مريم حسن الفائزة في برنامج اكتشاف المواهب "الدوم"، والتي قدمت مؤتمر التحالف الوطني للعمل الأهلي التنموي.
وقال السيسي خلال كلمته في المؤتمر الأول للتحالف الوطني للعمل الأهلي التنموي، اليوم الإثنين، "مش هنسى أرحب بيكي وبسنك الصغير ده والموهبة دي".
اقرأ أيضًا.. الهيئة الإنجيلية تشارك في المؤتمر الأول للتحالف الوطني للعمل الأهلي (صور)
وتابع: "أنا عايز أقول من خلالك.. اتكلمنا أنه في مصر كل اللى إحنا بتمناه.. إحنا محتاجين نوصله.. وفيه مبادرات وآليات لو عاوزين نجيب حد بيلعب كرة قدم هنلاقي.. أو موهوب وبيقول شعر عظيم هنلاقي.. أو بيكتب روايات عظيمة هنلاقي.. وكل حاجة موجودة في الـ104 ملايين.. ومريم مثال لده".
أكد الرئيس السيسي، أن الحكومة مستعدة لزيادة التعاون مع جهود التحالف الوطني للعمل الأهلي التنموي في جهود زيادة الإنتاجية الزراعية.
وتابع: "نأمل أن ينجح التحالف الوطني للعمل الأهلي التنموي في الوصول إلى المزارعين كافة ودعم أعمالهم لزيادة الإنتاجية".
ووجه السيسي بزيادة الاهتمام بكل المزارعين
وأكمل :" هكلمكم على تجربة أخرى .. بنوفر في المياه والهدر ويقلل السلاسل لما تاخدي حاجتك تديها للجمعية على طول ما فيش وسايط كتير.. والمزارع اللى بيزرع فدان محتاج أكتر"، مشيدا بمبادرات التحالف الوطني بقوله: "كل المبادرات اللى بتتكلموا فيها كله زى الفل ومحل تقدير ودعم مننا لكن الزراعة بالتحديد لها أهمية خاصة".