ياسمين عز: "اعملي لجوزك بطة أحسن من بروتين لشعرك" (فيديو)

واصلت الإعلامية ياسمين عز نصائحها المثيرة للجدل للسيدات والتي تسبب عاصفة من الانتقادات خاصة من السيدات، واتهامها بإدعاء المثالية، فيما يراها البعض الآخر واقعية وتسعى لنصيحة  ازوجات بيما يخدمهن مع أزواجهن.

 

نصيحة ياسمين عز هذه المرة كانت للزوجات بشأن البروتين ونصحتهن بتجنبه نهائيا بسبب  تكلفته العالية، قائلة": "أنا مذيعة وبعرف والبروتين مش كويس واللي في السوق مضروب.. اسمعي مني".

 

اقرأ أيضا..

عنبر تبكي على الهواء وياسمين عز تعتذر لها (فيديو)

 

وأضافت ياسمين عز ، خلال برنامجها "كلام الناس" على فضائية "إم بي سي" مساء اليوم: "أنا طالعة النهاردة أحذر من موضوع البروتين  ماتجيش أول ما جوزك يقبض المرتب أو الجمعية أو يجمع له قرشين من خيرات ربنا، تقولي له بقى اديني فلوس أعمل شعري بروتين، بروتين إيه يا مدام ما انتي عايشة طول عمرك بتسريحة الأناناسة، كلنا عايشين

بالأناناسة، حبكت أول ما جوزك مسك فلوس في ايده عايزة تاخدي كبشة وتروحي تعملي بروتين لشعرك".

 

وتابعت: "بدل ما تعملي بروين أقولك أنا تعملي إيه.. اعملي بطة.. صينية بطة بالبرتقال، دا اللي هيفيدك، انما البروتين لشعرك عمره ما يفيدك، دا كسبتي جوزك واتغذيتي بروتين طبيعي".

 

وأوضحت "اللحم يعني بروتين، وخدتي  معاه فيتامين c من البرتقال، يفيد البشرة والشعر، وأنتي قمر وهو بدر منور، أوعي تفكري أن انتي أحلى منه، هو حلو بردو، محدش يجيب سيرة البروتين، وبلاش التقاليع الجديدة الي جايالنا من برا غلط".