السيسي: السعيد اللى هيقف جنب قادرون باختلاف (فيديو)
أكد الرئيس عبدالفتاح السيسي، على ضرورة الوقوف بجانب قادرون باختلاف، مضيفًا: "السعيد اللى هيقف جنب قادرون باختلاف".
اقرأ أيضًا..السيسي لبطل سباحة من "قادرون باختلاف": "قولي ادعمكم إزاي"
ووجه "السيسي" كلامه للشعب المصري ولكل إنسان، قائلًا: "عايزين نخلي بالنا من بعضنا وعايزين نبقى دايمًا لو قدرنا نعمل حاجه حلوه نعلمها ومنستقلش بالعمل دا".
وقام الرئيس عبدالفتاح السيسي، باختبار أحد الأطفال القادرين باختلاف في القرآن الكريم، وسأله عن آية في سورة الأنفال.
وتفاجأ الرئيس برد الطفل على سؤال الرئيس عبدالفتاح السيسي، بذكر اسم السورة والجزء ورقم الآية ورقم الصفحة التي ذكرت فيها.
وقام الحاضرون بالتصفيق بحرارة تعبيرًا عن انبهارهم بهذه الموهبة وحفظه للقرآن الكريم حفظًا تامًا.
وذكر الرئيس أن الوحيد الذي حمى مصر هو الله سبحانه وتعالي، مضيفًا: "أنا بقول بعد 11 سنة لازم كل المصريين يعرفوا أن اللى حمى مصر ربنا سبحانه وتعالى".
وتابع: "الجيش والشرطة والدولة دفعت تمن كبير أوي علشان البلد دي تعيش، وربنا عمل كدا لمصر حبًا لمصر وشعب مصر .. والحمد الله إن ربنا عدانا من دا ومرت بسلام واللى جاي أكرم وأكبر يعني"
وكشف الرئيس عن مدى خوفه على مصر منذ عام 2011، قائلًا: "كنت حاسس بخطر شديد، وبدون مبالغة كنت حاسس من وقتها ولحد دلوقتي ما كنش باين عليا سن قبل 2011".
وأضاف: "هاتوا صوري قبل 2011
وواصل حديثه، قائلًا: "ناس كتير في مصر والجيش كان عندهم القلق والخوف على البلد.. وأنا كنت من الناس اللى شايفة وعارفه حجم الدمار اللى البلد دي ممكن تدخل فيه والبلاد اللى جنبا انتوا شايفين حصلهم ايه".
وكشف السيسي، عن أصعب الأوقات التي مرت عليه خلال تواجده في القوات المسلحة، قائلًا: "أصعب فترة عدت عليا كانت سنة 2011".
وتابع: "أنا كنت ببكي على مصر وحسيت أن ممكن الأمور تخرج عن السيطرة والبلد تدخل في دوامة كبيرة جدًا من الخراب والدمار وكنت عارف أن عددنا مش قليل وظروفنا صعبة كدولة مش مستحملة إنها تدخل في المسار دا".
شاهد بكاء السيسي متأثرًا بأطفال قادرون باختلاف