السيسي: الانتهاء من مشكلة المستلزمات في الموانئ خلال أسبوعين (شاهد)

 علق الرئيس عبدالفتاح السيسي، على الإفراج عن البضائع والمنتجات الموجودة في الموانئ، قائلًا: "أرجو وإحنا بنعلن ده.. إننا نكون موجودين وقت إطلاق القوافل والإفراج عنها، ونقول بيانات أكثر للناس".

 

 شدد السيسي، خلال كلمته في افتتاح مشروعات جديدة في مجمع الصناعات الكيماوية في محافظة الجيزة، على أهمية الانتهاء سريعًا من الإفراج عن البضائع بالموانئ، قائلًا: "موضوع المستلزمات وأرجو أن نطلق هذا الأمر بتغطية إعلامية والناس تشوف حجم المواد اللى هتخرج من الموانئ خلال الأسبوعين اللى جايين دول، علشان يبقا الحمد لله أنهينا المشكلة دي".

 

 اقرأ أيضًا.. برنامج زيارة الرئيس السيسي إلى العاصمة الفرنسية باريس

 

 تابع: "بنتكلم عن صناعات محددة هذه الصناعات ما عندناش رفاهية إن إحنا نخاطر بيها، ما نقدرش نخاطر بيها، مش بس علشان بتستورد من بره، لا أنت عندك استقرار في إنتاجها عندك".

 

وواصل : "إنتاج فوق أكسيد الهيدروجين إنتاجه فوق 50%، ولما بنتعامل مع الموردين نفاجئ بأن الأرقام بقت مختلفة فوق طبعًا، وبالتالي مصنع فوق أكسيد الهدروجين محتاجين نتحرك علشان الفجوة متبقاش 50 %.

 

وتابع: "بقول للمثقفين والإعلاميين وغيرهم.. كل كلمة ممكن تبقي عنوان كبير.. انتوا فاهمين أن المنتجات الزراعية أو المواد الغذائية تزيد مرتين وثلاثة.. من يستحمل ده.. والبلد كيف

تواجه الحالة دي.. وهي ماسكه ما أمكن أن الأسعار ما تزيدش.

 

 أشار السيسي إلى أن البنوك ستغطي المطلوب بالدولار لصالح الاعتمادات خلال مدة 3 أو 4 أيام لخروج البضائع من الموانئ.

 

 

وأضاف : "عاوز اطمنهم وإحنا لما قولنا ده.. ربنا سبحانه وتعالي وفقنا ننفذ الالتزام.. بنتكلم عن مليارات كتير من الدولارات.. الناس ماسكه شوية في الدولار.. لا بأس.. وإحنا معانا دولارات برضه".

 

وأشار إلى أن الأسمدة اذا تم تسعيريها بالأسعار العالمية ستكون عالية للغاية، ولكن الدولة ما زالت تدعم من أجل الفلاح، مستطردًا: "الطن أبو 6000 هيبقى بـ 12 ألف و18، وهذا سينتج عنها زيادة فى الأسعار، ولكن الدولة لن تفعل ذلك".

 

يفتتح الرئيس عبدالفتاح السيسي صباح اليوم مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش بمحافظة الجيزة.