السيسي عن تطوير المنتزه: "بنعمل حاجة حلوة أوي" (شاهد)
![الرئيس عبدالفتاح](/themes/alwafd/assets/images/no.jpg)
أكد الرئيس عبدالفتاح السيسي، أن منطقة المنتزه بالإسكندرية ستكون مفتوحة ومتاحة للجميع، معقبًا: "لما جينا نعمل المشروعات في المنتزه البعض قال هتحرمونا"، موضحًا "المنتزه متاح للكل، ومفيش حد يمتلك المنتزه، وأنا أولكم.. المنتزه للكل، انتوا مالكوا خايفين كده ليه احنا بنعمل حاجة حلوة أوي والله".
اقرأ أيضًا.. اليوم.. الرئيس السيسي يفتتح محور التعمير بالإسكندرية
وقال السيسي خلال كلمته في افتتاح محور التعمير بالإسكندرية، اليوم الإثنين، "بتكلم على الهواء وبتكلم مع الناس في مصر على الهواء، المنطقة دي يا جماعة بنعمل تطوير عمراني مش علشان نؤذى الناس.. البديل التاني النمو داخل الإسكندرية ومتعرفش تعيش ولا تمشى مفيش قدامي إلا الاتجاه غربًا وشرقًا ولإعادة صياغتها والكلام وزارة الإسكان والكهرباء والداخلية ودورها بقوله على الهواء لما نيجي نقول المنطقة يتم إخلاؤها يتم إخلاؤها ومش هنخلى منطقة من دون أن نعوضه.. كنا بنعوض التعويض الاجتماعي علشان لا نؤذي الناس.. أرجو التلبية اللى بنعمله مش علشان صالح حد ولكن لصالح الكتلة الكبيرة".
وتابع: "أنا عاوز أفكركم لما جينا نبدأ في المنتزه.. ناس كانت بتقول هتعملوا إيه.. وناس زعلت.. إحنا مش هنحرم حد أبدا.. المنتزه مفتوحة لكل الناس.. ومتاحة للكل.. من أول أنا.. مفيش حد له حاجة مش بتاعته.. لو بتاعته مش هقدر أنازعه في الملكية.. الشاليهات اللى كانت موجودة.. أنت بتستخدمها أسبوع و2 في السنة دلوقتي مفتوحة للكل.. تقريبا كل حاجة خلصت.. قصر السلاملك كان هينهار.. نرجع كل حاجة زي ما كانت.. ده تاريخنا".
وواصل السيسي: "كنت أتمنى أنه اللى يتقال عن تطوير المنتزه في مداخلات تليفزيونية وصفحات التواصل الاجتماعي.. التعليق على الوضع.. حط الصورة دي بالصورة القديمة.. وعمرنا ما هنعمل حاجة إلا كل خير.. مفيش إلا الخير.. اتفرجوا عليها لما نخلصها.. طب لمين.. الناس اللي موجودة في الإسكندرية".
وتابع الرئيس: "انتوا مستغربين.. عندنا حرص نرجع للحسن.. مش كنا بنقول الكلام ده على شكل وصورة البلد من 80 و100 سنة.. طب لما تبقي معانا إحنا يبقي شكلها إيه.. ترجع تاني.. حتى لو مش هنضيف عليها نحافظ عليها.. أي حاجة
ويشهد الرئيس عبدالفتاح السيسي، اليوم الإثنين، محور التعمير بالإسكندرية الذي يمتد بطول ٣٥ كم من تقاطعه مع طريق القاهرة / الإسكندرية الصحراوي حتى طريق سيدي كرير / مطار برج العرب بواقع 9 حارات مرورية لكل اتجاه.
وأوضح السفير بسام راضي، المتحدث الرسمي لرئاسة الجمهورية، أن محور التعمير الجديد يعتبر إضافة ونقلة نوعية ضخمة من شأنه أن يفتح آفاق تنموية جديدة لمنطقة غرب محافظة الإسكندرية بكاملها ويزيد من حيزها العمراني، ويربط ميناء الدخيلة بالطريق الصحراوي والطريق الدولي الساحلي ومدينة برج العرب، وليصبح شريانًا تنمويًا حيويًا لربط الإسكندرية بمدينة العلمين الجديدة عبر الطريق الساحلي.
كما أضاف المتحدث الرسمي بأن محور التعميرياتى كخطوة جديدة إضافية في تنفيذ استراتجية الدولة في إنشاء شبكة الطرق والمحاور على امتداد رقعة الجمهورية، تلك المحاور التى لم تعد تقتصر فقط على تسهيل حركة المرور وانتقال المواطنين، بل أصبحت المحاور المرورية شرايين جديدة للحياة تدعم جهود الامتداد العمرانى المنظم، والتجمعات السكنية الحديثة، وتعزز من العوائد الاقتصادية والتجارية، وتوفر فرص عمل، كما تربط المشروعات القومية لتتكامل مع بعضها، وذلك انعكاسًا لرؤية تنموية شاملة وفلسفة علمية عميقة نحو البناء والتعمير والتنمية.