وزير التعليم: تساؤلات أولياء الأُمور بشأن العملية التعليمية زادت عن حدها (فيديو)

السبت 15/يناير/2022 - 09:56 م

أكد الدكتور طارق شوقي، وزير التعليم، أن تساؤلات أولياء الأمور في العملية التعليمية زادت عن حدها، مشيرا إلى أن الأهالي عليهم توفير بيئة جيدة للطلاب حتى يتم تجهيزهم على الامتحان بأي شكل.

اقرا ايضا...

طارق شوقي: إعلان نتيجة أولى وثانية ثانوي بالتقديرات

وقال الدكتور طارق شوقي، خلال مداخلة هاتفية مع برنامج "آخر النهار" مع الدكتور محمد الباز، المذاع على قناة "النهار": "الأولاد المفروض تفهم وتيجي تحل، وكلنا كنا في مدارس والامتحان اللي بيجيلنا بنحله، أما طريقة الامتحان وشكله فهو أمر يخص المؤسسات التعليمية مش هنعمل استفتاء عشان نمتحن الأولاد".

وأكد أننا نحاول تدريب الطلاب على استخدام التابلت، ولكن بعيدا عن فترة الامتحانات، مشيرا إلى أن تغيير طريقة امتحان أولى وثانية ثانوي هدفه التيسير على الطلاب، لافتًا إلى أن الغش آفة اجتماعية كبيرة، وليس مهارة تعليمية، متابعا: "اللى عاوز يتعلم ويستفيد هو حر في امتحانات الصف الأول والثاني الثانوي، لكن ميرجعش يشتكي في 3 ثانوي ويقول ايه الأسئلة دي".

وواصل: "لو رايح معمل تعمل تحليل وجبت عينة بتاعت واحد صاحبك فدي مش بتاعك وهكذا

في الثانوية، والأوبن بوك معترف بيه في العالم كله عشان أنا مش عاوزك تحفظ"، متابعا:" للأسف كلام الأهالي عن امتحان أولى وثانية ثانوي أمر غريب، لأن لما يبقى الامتحان 3 نقاط في التابلت و3 في الورق، ويتم في النهاية الاستقرار على إجابة الـ 6 أسئلة في الورق فقط أيه الفرق؟".

وأكمل : "المبالغة زيادة أوي ده امتحان ترم بيحصل طول عمره في ورق، والطالب يكون جاهز للحل سواء في ورقة أو في تابلت واحنا نقول الامتحان يكون في ورق أو تابلت".

فيديو...