رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين
رئيس حزب الوفد
د.عبد السند يمامة
رئيس مجلس الإدارة
د.أيمن محسب
رئيس التحرير
د. وجدى زين الدين

بسمة وهبة: مصر أعادت جمع شتاتها.. والسيسي أنقذها من براثن الدمار والفوضى (فيديو)

الإعلامية بسمة وهبة
الإعلامية بسمة وهبة

أشادت الإعلامية بسمة وهبة، بما شهدته مصر من مشروعات ونهضة تنموية خلال السنوات القليلة الماضية في الفترة ما بين 2013 لـ 2021، مضيفة:"مصر لمت شتات نفسها وكل مشاكلها وجمعتها وحلت اللغز وصنعت صورة واضحة الملامح لوطن قوى صاحب قرار وسيادة".

 

اقرأ أيضًا.. أشعر بتعب| بسمة وهبة تنهي برنامجها قبل موعده بسبب حالة إعياء على الهواء "فيديو"

 

وتابعت وهبة، خلال برنامجها "90 دقيقة" المذاع على شاشة "المحور"، مساء الأربعاء: "طول السنين اللى فاتت  الدولة دى كانت بتجمع قطع البازل بصبر وتركيز وهدوء وذكاء .. وتحدت العالم كله، وتحدت كل أصحاب الخطط والمؤامرات اللى كانت بتستهدف المنطقة وكسبت التحدى وخلقت مصر صورة واضحة الملامح بعيد عن الصور اللى كلها فوضى وعشوائية وانفلات وعدم استقرار لبعض الدول اللى في المنطقة ".
 

وأكدت أن الرئيس عبد الفتاح السيسى قدر ينقذ البلد دى من كل المخططات التي استهدف المنطقة .. وأخذ بإيد مصر كده وخرجها بعيد عن دائرة الفوضى والعشوائية ورسم لها صورة الدولة القوية اللى قدرت تحل مشاكلها الاقتصادية"، مشيرة إلى أن الرئيس السيسي تمكن من هزيمة الإرهاب وجعل مصر تفرض كلمتها كمفتاح حل للقضايا الإقليمية والدولية.

 

 

 

وواصلت :"لما تبص على الخريطة وتشوف اللى بيحصل في السودان أو ليبيا أو سوريا أو تونس أو اليمن، هتعرف إن مصر بقيادة الرئيس السيسى قدرت تخرج من أشد الأنفاق ظلاما.. عشان كده لما شوف دول في المنطقة بتاعنى من الإرهاب والحرب والأوضاع الاقتصادية والكهرباء اللى مش موجودة .. لازم أقول إن مصر النهاردة .. غير مصر إمبارح .. وأظن ده تعبير شديد الدقة والوضوح .. البلد اللى إحنا عايشين فيها النهاردة ..

غير البلد اللى كنا نعرفها خلال السنين اللى فاتت .. بلد مستقرة في منطقة بتنهار".

 

واستطردت :"النهاردة وأنا بشوف التطور والنجاح اللى بيحصل في قطاعات مختلفة وبشوف العالم منبهر بإلغاء حالة الطوارئ، لازم نفتكر مع بعض إن في 2013 البلد دى كان  فيها دستور معطل وبتدور على تشكيل حكومة وعاوزة تحل مشاكل مؤسساتها وجهازها الإدارى .. دلوقت  بقى في دستور قوى، وبقى في حكومة قوية ، وبقى فيه إعلام فاهم وواعى لمصلحة الدولة العليا وبقى فيه تمكين حقيقى للشباب والمرأة ..وبقى في مؤسسات بتشتغل تناغم وتنسيق بيكون نتيجته دايما انتصار لمصر في كل الملفات".


وأختتمت حديثها :"باختصار قبل 30 يونيو  المنطقة دى بما فيها مصر كانت تايهة ..  بس دلوقت الرئيس عبد الفتاح السيسى وكل رجالة البلد المخلصين مدوا إيدهم ورجعوها لمكانها تانى ..بينما المنطقة نفسها لسه تايهة في الصراعات".

 

اقرأ المزيد:

(فيديو).. رؤية السيسي خلقت مستقبل مشرق| بسمة وهبة: مشاهد حفل تخرج طلاب الشرطة تدعو للفخر

بسمة وهبة: السيسي نجح في رسم سياسة البلاد الخارجية.. وأعاد كرامة المصريين (فيديو)

للمزيد من أخبار قسم الميديا اضغط هنـــــــــــا