10 رسائل للرئيس السيسي خلال افتتاحه مشروعات الإسكان بـ 6 أكتوبر
"اللي بيحصل في بلدنا دا دعم إلهي .. ولو احنا مفسدين ربنا مش هيساعدنا" .. كانت هذه أبرز تصريحات الرئيس عبدالفتاح السيسي، خلال افتتاحه مجموعة من المشروعات للإسكان البديل للمناطق غير الآمنة بـ 6 أكتوبر، وذلك بحضور رئيس الوزراء الدكتور مصطفى مدبولي، ووزير الإسكان عصام الجزار، وعدد من المسؤولين.
- التعدي على الأراضي الزراعية قضية مشتركة بين الدولة والمواطن
قال الرئيس عبدالفتاح السيسي، إن وعي المواطن أهم عنصر لإنهاء ملف البناء غير المخطط على الأراضي غير الزراعية.
وأضاف "السيسي" خلال افتتاحه مجموعة من المشروعات للإسكان البديل بـ أكتوبر، ونقلته فضائية "إكسترا نيوز" اليوم السبت، أن القضاء على التعدي على الأراضي الزراعية قضية مشتركة بين الدولة والمواطن.
وتابع رئيس الجمهورية: "وأنا جاي على الدائري شوفت حجم كبير من المباني الموجود غير مخطط وغير آمن للناس .. ودي بلدنا وإحنا عايزين نغيرها".
- المشروعات السكنية اللي شايفنها دي من أموال مصر
وعلق الرئيس على افتتاح مشروعات الإسكان البديل بـ 6 أكتوبر، قائلًا: "مصر دي بلدنا واحنا عايزين نغيرها، بس خلي بالكم إن المليون وحدة اللي احنا بنفتتحهم، واللي لسه هنفتتحهم، و بكرر كلامي أن اللي بيتعمل ده بيتعمل من أموال مصر".
وواصل: "أقف هنا .. معملناش مشاريع في أراضي زراعية .. عملناهم في أراضي صحراوية .. وده مش اهتمام الحكومة وأنا بس .. أنتم بتسيبوا الأرض الغالية دي تتضيعوها بالطريقة دي .. وتسيبوا صحراء كبيرة مفتوحة كده".
وأردف رئيس الجمهورية، قائلًا: "وانا جاي على الدائري شوفت حجم كبير من المباني الموجود غير مخطط وغير آمن للناس .. ودي بلدنا واحنا عايزين نغيرها".
- تكلفة إزالة المخلفات في المناطق السكنية 800 مليون جنيه
أكد أن تكلفة إزالة المخلفات في المناطق السكنية والمحلات التجارية في مصر يصل لـ 800 مليون جنيه، مضيفًا: "دي القاهرة وحدها لما جينا نتكلم مع الشركات عشان حي غرب وشرق بس مش كل القاهرة، أما القاهرة كلها ممكن التكلفة توصل لـ 2.5 مليار جنيه وده نتيجة إننا معندناش نظام في المباني".
وتابع: "كنت ماشي في محور العصار وبنزل أشوف لوحدي من غير حد لقيت الناس كلها راميه المخلفات في نص الشارع، ولما حطينا عربات قمامة صغيرة رفضت العربيات اللي بتركن أنها تكون جمبها، وبالمناسبة حجم المخلفات اللي محتاج يتشال 40 مليون طن".
- مبعرفش أسكت ومفيش دولة في العالم حجم مخلفاتها 2.8 مليون طن
عقب الرئيس السيسي، على حجم المخلفات الموجودة بالشوارع قائلًا: "مفيش دولة في العالم حجم مخلفاتها 2.8 مليون طن".
وأوضح أن حجم المخالفات بلغ 2.8 مليون مخالفة، هل فيه دولة حجم مخالفاتها 2.8 مليون طن؟ مضيفًا: "احنا قدام خيار من اثنين، يا أشوف وأسكت، يا أشوف واشتغل، وأنا معرفش أسكت وانتوا متسكتوش ولازم أحل القضية".
وتابع: "نقدر نغير ظروفنا ولو النهاردة دخلت على 100 بيت في قرية، أقدر أخليهم بالنموذج المنظم ده، هتساعدونا عشان نعمل النماذج اللي شايفنها كدة، لافتا إلى أن النماذج في الدلتا وسيناء بالطريقة دي من مساكن ومساجد وكنائس وكل الخدمات في المكان".
- مش عايزين تحلموا ليه؟
عقب السيسي، على تحسين الإسكان والقضاء على العشوائيات والبناء غير المخطط، قائلًا: "هقولكوا كلمة صعبة أنتو ليه مش عايزين تحلموا لبلادكم ؟ ليه راضين بقالب طوب تحطوه وخلاص؟".
وأضاف "السيسي" خلال افتتاحه مجموعة من المشروعات للإسكان البديل بـ أكتوبر: "هلاقي حد يقولي احنا ظروفنا كده بس لاء احنا نقدر نغير ظروفنا ساعدونا عشان نعمل الي انتوا شايفينه
ده.
وواصل الرئيس حديث، قائلًا: "احنا بنعالج أوضاع سابقة مش هتتعالج إلا لما احنا كلنا نبقى مع بعض وتضافر جهودنا عشان نغير حياتنا وعشان نحقق حلمنا".
- والله العظيم دا دعم إلهي علشان احنا غلابة
علق الرئيس، على افتتاح المشاريع والاستمرار بالتنمية والتعمير في مصر، قائلًا: "والله العظيم والله العظيم والله العظيم اللى بيتعمل دا بدعم إلهي، وربنا بيساعدنا علشان احنا غلابة".
وأشار إلى أن الدولة المصرية أولت اهتمامها بجميع المصريين على مدار الـ 7 أعوام الماضية، قائلًا: "الناس بتقول إنت مش فرحان باللي اتعمل، وأنا ببص على اللي لسة متعملش، اللي اتعمل كتير، إنما اللي لسة متعملش كتير برده، والناس هتقولي يعني هي القضية قضية إسكان، وانا بقولك في ناس قالت علموا الناس كويس، طب أعلمهم ايه وهما ساكنين
- ليا بطاقة تموين في المنيا باسمي بيستخدمها حد تاني
أكد السيسي، أن عدم وجود رقمنة في الدولة المصرية جعل بياناتنا غير واضحة، وحدث استقرار لواقع غير دقيق، وبه الكثير من الفساد.
وأضاف: "أنا قولت للدكتور مصطفى مدبولي.. أنا ليا بطاقة تموين في المنيا باسمي بيتصرف بيها والله بتكلم بجد، في ناس موجودة متعرفش ان بطاقتها مستخدمة في حتة أخرى".
وشدد على ضرورة إطلاق برنامجًا ضخما لتطوير المناطق العشوائية وغير المطورة، مضيفا: "عايزين نغير حياة الناس للأفضل، ونعمل مناطق خدمات وحرفية لتوفير فرص عمل، عايزين ننقل الناس مرة واحدة".
وأشار إلى أن المناطق غير الآمنة تشكلت على مدى 60 سنة، ونحلم أن نقضي عليها في 5 أو 10 سنوات، منوها بأن النمو السكاني سببا كبيرا في هذه المشكلة.
- استمرار النمو السكاني بالمعدلات الحالية يعرقل جهود الدولة
قال إن ستمرار النمو السكاني بالمعدلات الحالية يعرقل جهود الدولة، لأنه يعد أكبر التحديات التي تواجهنا، لافتًا إلى أن الرقمة الهدف منها تصنيف المجتمع وإعطاء كل مواطن حقه دون هدر .
وتابع رئيس الجمهورية: "عدم وجود رقمنا للدولة المصرية خلانا مش شايفين كويس والكلام دا استمر لسنين .. وما يتم تنفيذه من مشروعات الهدف مه تغيير حياة المصريين إلى الافضل".
- اللي بنعمله في البلد دا يرضي ربنا ولا ميرضيش؟
وجه الرئيس حديثه لرجال الدين، قائلًا: "يا ترى اللي بنعمله ده يرضي ربنا ولا ميرضيش أنا بقول كده للي بيتكلموا في الدين"، معربًا عن سعادته بما تحقق، قائلًا: "دايما بقول الشكر والحمد لله إنه مكنا نعمل كده لأهلنا ونغير حياة الناس".
وتابع رئيس الجمهورية، أن إعادة طرح بعض القضايا مثل إعادة تنظيم الدعم هدفه نوفر صح .. ونشكر كلنا ربنا أنه أعطانا ومكنا ولسه، وبكرة تشوفوا هنعمل وهنعمل".
- لو احنا مفسدين ربنا مش هيساعدنا
أشار الرئيس، إن البعض يقول له لماذا لم تفرح بما يحدث في مصر من تنمية وتعمير، معقبًا: "برد عليهم وبقولهم أنا مابفشوش اللى اتعمل اللى اتعمل اتعمل وخلص ..انا بشوف اللى لسه ما تعملش".
ووجه "السيسي" خلال افتتاحه مجموعة من المشروعات للإسكان البديل بـ أكتوبر، حديثه للمصريين، قائلًا: "هل مازلتم شايفين اننا مهتمين بالطبقة العالية والمتوسطة فقط ولا بالكل؟".
واختتم الرئيس قائلًا: "دايما بقول لنفسي يا رب اللي بنعمله دا يرضي الناس ولا لا، وبقول إن الله لا يصلح عمل المسفدين.. لو إحنا مفسدين مش هيساعدنا، وساعات بمشي كتير لوحدي وبشوف إن لسه بدري على اللي اتعمل".
موضوعات ذات صلة:
(فيديو) السيسي: مفيش دولة في العالم حجم مخلفاتها 2.8 مليون طن
(فيديو) مبعرفش أسكت | السيسي يتوعد بالقضاء على المخلفات والبناء غير المخطط