(فيديو) السيسي لـ رجال الدين: "اللي بنعمله في البلد دا يرضي ربنا ولا ميرضيش؟

السبت 16/أكتوبر/2021 - 01:27 م

وجه الرئيس عبد الفتاح السيسي، حديثه لرجال الدين، قائلًا: "يا ترى اللي بنعمله ده يرضي ربنا ولا ميرضيش أنا بقول كده للي بيتكلموا في الدين".

وأعرب "السيسي" خلال افتتاحه مجموعة من المشروعات للإسكان البديل بـ أكتوبر، ونقلته فضائية "إكسترا نيوز" اليوم السبت، عن سعادته بما تحقق، قائلًا: "دايما بقول الشكر والحمد لله إنه مكنا نعمل كده لأهلنا ونغير حياة الناس".

وتابع رئيس الجمهورية، أن إعادة طرح بعض القضايا مثل إعادة تنظيم الدعم هدفه نوفر صح .. ونشكر كلنا ربنا أنه أعطانا ومكنا ولسه، وبكرة تشوفوا هنعمل وهنعمل".

وكان الرئيس عبد الفتاح السيسي، عقب على افتتاح المشاريع والاستمرار بالتنمية والتعمير في مصر، قائلًا: "والله العظيم والله العظيم والله العظيم اللى بيتعمل دا بدعم إلهي، وربنا بيساعدنا علشان احنا غلابة".

وأضاف "السيسي" أن الدولة المصرية أولت اهتمامها بجميع المصريين على مدار الـ 7 أعوام الماضية، متابعًا: "الناس بتقول إنت مش فرحان باللي اتعمل، وأنا ببص على اللي لسة متعملش، اللي اتعمل كتير، إنما اللي لسة متعملش كتير برده، والناس هتقولي يعني هي القضية قضية إسكان، وانا بقولك في ناس قالت علموا الناس كويس، طب أعلمهم ايه وهما ساكنين في المناطق، اللي هيطلع في الأماكن دي هيطلع كاره كل شئ ورافض كل شئ".