فيديو.. ناقدة فنية: أزمة حلا شيحة مع تامر حسني ساهمت في نجاح فيلم مش أنا

قالت الناقدة الفنية هبة علي، إن أزمة حلا شيحة وتامر حسني أثرت بشكل إيجابي على فيلم "مش أنا" خلال عرضه في عيد موسم الأضحى.

اقرأ أيضًا.. (فيديو) بسبب حلا شيحا.. أشرف زكي يعلن مقاضاة حاتم الحويني بعد تطاوله عليه

وأضافت هبة، خلال لقائها ببرنامج "صباح الورد" المذاع عبر فضائية "ten" اليوم الأحد، إن حديث الفنانة حلا شيحة عن مشاهد وعدها تامر حسني بحذفها من الكليب تسببت في إقبال الجمهور على مشاهدة كليب أغنية "حبيبي"، وكان من الممكن ألا يشاهد الجمهور الكليب لولا الجدل الذي أثارته حلا.

وانتقدت موقف حلا من الكليب رغم إن الفيلم يحتوي على مشاهد رومانسية أكثر من الكليب، مضيفة: "الفيلم كان فيه مشاهد حب أكتر من الفيلم مش عارف ليه متكلمتش عنها ليه".

يذكر أن الفنانة حلا شيحا هاجمت الفنان تامر حسني بسبب طرح الأخير لكليب أغنية "حبيبي" من الفيلم الذي جمعهما سوياً "مش أنا"، والذي تم طرحه في دور العرض السينمائي خلال يونيو الماضي، عبر موقع تبادل الصور والفيديوهات "انستجرام".

وقالت حلا:" انا اتفاجئت جداً بنزول كليب يجمع فيه مشاهد متفرقة من الفيلم وفي ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه ..و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف

اللي فات و اكدلي انه حيحترم رغبتي ".

وتابعت قائلة:"احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح أنا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح".

واستطردت:"بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى، انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا ."