فيديو.. علا غانم تكشف مفاجأة عن عمرها الحقيقي

كشفت الفنانة علا غانم عن خطتها لـ الجمهور حول اخذ إستراحة طويلة بعد تخرج بناتها من الجامعة، على عكس  ما يجري حيث تكون الإجازة في صغر الأبناء لرعايتهم،  معقبة: " عشان أنا كنت بابي ومامي في نفس الوقت، بعد انفصالي عن زوجي الاول".

 

وأضافت علا غانم خلال لقائها مع برنامج "كلمة أخيرة" المُذاع على فضائية "أون"، قائلة: " ماراجعتش نفسي وفضلت مصرة على رأيي وبدأت علاقتنا تتحول لصداقة حتى يكون بوسعنا التعاون في تربية البنات".

 

وأوضح الفنانة أن سبب زواجها المبكر في سن 17.5 يعود  للعادة وقتها وماوصفته بـ "موضة الزواج المبكر"، لتقاطعها لميس الحديدي قائلة : "بس إنتي مش قديمة أوي كده إنتي صغيرة برضه"،  لتفاجئها "غانم" معلنة عن عمرها الحقيقي قائلة : " أنا خلاص هكمل 50 سنة آخر نوفمبر القادم ".

 

وتابعت علا غانم  قائلة : " أنا  مبسوطة وسعيدة وعاوزة أنبسط بحياتي والناس تقول شوفوا الست الي عندها " 50 سنة

"  شكلها عامل إزاي ؟! اياً كان الشكل إيه ؟ حلو او وحش عاوزة أستمتع بسني، وعاوزة افرح في كل مراحل حياتي  وأعمل عيد ميلاد ".

 

وواصلت " معملتش عيد ميلاد  قبل كده لكن هعمله السنة دي لان سن الخمسين مهم جداً والناس هنا في أمريكا بتحتفل بعيد الميلاد مرتين في سن 16 وسن 50 وده سن مهم بالنسبة لي ، عشان البنات  بنسبة كبيرة بتكون إتجوزت وده سن يعني الانجازات والعمل وبعدها تبقى فترة تقييم هل اللي عملته صح ؟ أو هل كنت راضية عن حياتي؟ هل لعبتها صح  ولا كنت غبية؟ ".