والدة الجندى: يوم القيامة حأطلب من ربنا يحاسب الشاطر وبديع ومرسى

أذاع برنامج "العاشرة مساء" مداخلة هاتفية مؤثرة  للسيدة نادية الشيخ، والدة الناشط محمد الجندى، عضو التحالف الشعبى، الذى يرقد داخل العناية المركزة بين الحياة والموت والتى أثارت حزن المشاهدين حيث قالت: إن جماعة الإخوان المسلمين بكل قياداتها ووزارة الداخلية مسئولة عما حدث لابنها الشاب الذى يدفع ثمن انضمامه للتحالف الشعبى.

وقالت الأم المكلومة: ابنى مش حرامى..أنا ابنى مثقف ومعاه 3 لغات، وإن كل جريمة ابنه هو إنه رفض أن يشتمه أحد الضابط بامه فرد له الشتيمه قائلا له : "إخرس يا كلب.. أنا إمى أشرف منك" فكان مصيره، أن تم إختطافه، وإلقائه فى الجبل الاحمر.
وقالت والدة الجندى موجهة كلامها للاعلامى وائل الابراشى: يوم الموقف العظيم حاطلب من ربنا يحاسب الرئيس محمد

مرسي، والإخوان المسلمين، وكل اللى بيحكموا لأنهم هم المسئولين عن اللى حصل لابنى.
وقالت والدته إن ابنها محمد بين ايدين ربنا...ومش حاطلب من الاخوان إنهم يساعدوه ، لكن باطلب من ربنا بس.. لان محمد ابنى بيسفرنى عمرة كل سنة وبيلف بلاد العالم كله.. حسبى الله ونعم الوكيل فى الإخوان وفى الرئيس محمد مرسي ومحمد بديع.. أنا دم ابنى فى رقبة خيرت الشاطر ومحمد بديع ومحمد مرسي.. وربنا حياخدهم وينتقم منهم ويوريهم النار اللى عايشة فيها.