رئيس حزب الوفد

بهاء الدين أبو شقة

رئيس مجلس الإدارة

د.هانى سري الدين

رئيس التحرير

د.وجدي زين الدين

(فيديو) فنان الوادي الجديد يروي قصة بداية عمله في حرفة النحت

ميديا

الجمعة, 19 فبراير 2021 16:07
(فيديو) فنان الوادي الجديد يروي قصة بداية عمله في حرفة النحتصورة من الفيديو

كتب - محمد عبد الرازق

روى النحات عادل محمود، قصة بدايته للعمل بهذه الحرفة، قائلا: «الموضوع بدأ معايا منذ الطفولة، كنت بنحت وبرسم، وحاولت أضيف لنفسي فاشتغلت منحوتات على الطين، تعبر عن الوادي الجديد، مسقط رأسي، في البداية كنت بشتغل حاجات لنفسي، لأن فيه نحاتين كتير، فانا عاوز أفيد البيئى اللي حواليا بحاجة جديدة».

 

(اقرأ ايضا)

النقش على النحاس.. فن أصيل يزين «الجمالية»

 

وأضاف «محمود» خلال لقاء ببرنامج «صباح الخير يا

مصر»، المذاع على عبر شاشات القناة الأولى، الفضائية المصرية، الذي يقدمه الإعلامي حسام حداد والإعلامية جومانا ماهر، «فوجدت أن لحاء النخيل مهدرة ولا يوجد لها أي دور في البيئة بتاعتي، كما أنها بتكون عائق بيئي لأنها بتتحرق فرأيت أنها من المقومات اللي ممكن تنهض بينا كمصريين، ووظفتها في العمل بتاعي كمنتج».

 

وتابع: «لقيت فيها مقومات ساعدتني على التعبير والإحساس والكسب من وراءها ماديا، وليها مميزات أنها خفيفة الوزن وصلبة، ومش هدفع فيها فلوس لأنها خامة موجودة عندي، مش أي حاجة نستهون بيها، وممكن نوظفها توظيف صح بأي شكل، كديكور منزلي وعارفين مصدرها».

 

وواصل: «أصعب حاجة إني في قرية محدودة، والمفهوم كان بعيد عنها، ولكن مدام قدامك هدف فلازم تسعى وراه، متفكرش في أي حاجة سلبية، لأن كدة هيرجعك لورا، فيه ناس في البداية كانت بتقولي هتستفيد إيه؟، ومفيهوش أي تسويق، بس قولت هطلع اللي جوايا».

أهم الاخبار