رئيس حزب الوفد

بهاء الدين أبو شقة

رئيس مجلس الإدارة

د.هانى سري الدين

رئيس التحرير

وجدي زين الدين

السيسي للمصريين: أوعوا حد يهد بلادكم

ميديا

الأربعاء, 16 سبتمبر 2020 15:15
السيسي للمصريين: أوعوا حد يهد بلادكمالسيسي
كتب- مصطفى نجيب

قال الرئيس عبد الفتاح السيسي، إن بعض الدول تريد لمصر الخراب وأن يعيش الشعب المصري في اقتتال وحروب، موجهًا رسالة إلى المصريين قائلًا: "أوعوا حد يهد بلادكم.. وتسمعوا لأي حد يقولكم كلام كدب وجهل".

وأضاف السيسي- خلال كلمته بافتتاح الجامعة المصرية اليابانية بالإسكندية، اليوم الأربعاء، أنه عندما كانت ظروف مصر الاقتصادية أفضل منذ أكثر من 100 عام، قدمت يد العون لكل الدول وتعاونت معها من أجل بناءها، مضيفًا: "بعد ما الصورة اتغيرت دلوقتي.. نرى البعض منهم بدل ما يمد يد العون لمصر بيدورا على هدم مصر وبيجهزوا قنواتهم ويدفعوا فلوس لناس علشان يهدوا بلد فيها 100 مليون".

وأوضح: "أنا بقول للمصريين هو ده رد الجميل بعد

اللي عملناه معاهم طول السنين اللي فاتت.. مصر كانت دايمًا إيدها طيبة ونواياها طيبة للآخرين، يبقوا عايزين يهدونا".

ووجه رسالة إلى المصريين قائلًا: "أنا رهاني دايمًا على المصريين ووعيهم.. وأنتم قبلتم التحدي في 2013 وواجهتوا ضياع الدولة المصرية.. والسؤال: أنا ضيعتكم ولا قدمت نفسي بالجيش فدا لمصر".

وتابع: "الناس اللي ضمايرها ضاعت وبيقولوا أكاذيب وبيحاولوا يشككوا الناس البسطاء في قرارات الدول وعاوزين يضيعوا 100 مليون مواطن، بقولهم: هتروحوا من ربنا فين"، مضيفًا أن الحكومة تحترق معه بسبب المشروعات التي تنفذها الدولة، حتى لا يحترق الوطن.

وحذر من الاستماع إلى المشككين في

المشروعات التي تنفذها الدولة للنهوض بمصر، مؤكدًا أن المشككون في قرارات الدولة يستهدفون إسقاط الدولة.

وتابع: "دايمًا هتلاقوا مشككين في كل القرارات اللي الدولة بتاخدها.. لما اشتغلنا في تطوير التعليم كان في قلق، وكان في ناس كتير بتشكك في كل عمل إحنا بنعمله رغم ان الهدف منه مصلحة وطنية صافية ومش الضغط على الناس وتعذيبهم".

وطالب الرئيس وسائل الإعلام والجامعات بعقد ندوات لإبراز التطور الذي يحدث في كل المجالات بمصر، مؤكدًا أن هذا الأمر مهم جدًا لتشكيل رأي عام حقيقي واعي لقضاياه ومتفهم لتحدياته.

وأوضح أن ما تنفذه الدولة من مشروعات قومية لا يستطيع أحد أن يفعله، موضحًا: "والله العظيم اللي إحنا بنعمله ده ما يتعمل لكن إحنا بنعمله بفضل الله"، مضيفًا أن الدولة لم تتقاعس في تنفيذ المشروعات القومية، لكنها تقاعست في شرح القضية لشعبها، متابعًا: "الدولة مكانتش تقدر تعمل أكتر من اللي عملته".

أهم الاخبار