فيديو.. نادية مصطفي: مش لازم المطرب يكون عريان وماسك سنجة

قالت الفنانة نادية مصطفى، إنها حريصة على المشاركة في مهرجان القلعة، مؤكدة أن أي فنان عربي يشرفه أن يشارك فيه.

 وعبرت "نادية"، خلال تصريحاتها لكاميرا نشرة "أخبار TeN"، الذي يُعرض على شاشة "TeN"، على هامش مشاركتها في مهرجان القلعة، عن رفضها ارتداء بعض الفنانين والفنانات ملابس شبه عارية في حفلاتهم، قائلة: "بقول للفنان اللي هو عارف نفسه، أنا أختك الكبيرة ولو لبست دة مش هيقلل من شغلك، أنا عارف إنك عاوز تبقى متنوع وتلبس كزا لبس، الشخص دة مش مطرب وعارف إنه مش مطرب ومبيغنيش وبيقدم شو، قدم ده من غير ما تتعرى".

وتابعت: "يا فرحتي الشباب بيقلدوه وهو في الشارع

لابس قميص مفتوح والسلسلة واللي ماسك سنجة واللي ماسك مطوة، وكل ده بقى يحصل في المناطق الطيبة مش هقول الشعبية".

 

وعن غناء المهرجانات، قالت "أي حد ممكن يغني، واللحن ممكن يكون راقص، لكن الكلمة لازم تكون راقية وهادفة، والشكل يكون مشرف لمصر".

 

ووجهت المطربة نادية مصطفى الشكر لوزارة الثقافة على إتاحة مهرجان القلعة بأسعار رمزية للجمهور، مشيرة إلى أنها تكن التقدير والاحترام للدكتورة إيناس عبدالدايم وزيرة الثقافة.
 

شاهد الفيديو..