فيديو.. رسالة مؤثرة من أحد مصابي الشرطة للخريجين الجدد

أكد ملازم أول مازن محمد مصطفى الجمال، الضابط بقطاع الأمن المركزي في شمال سيناء، والذي أصيب بنسبة عجز 50% في السمع والبصر، خلال مأمورية تمشيط الطريق الدائري بالعريش، أنه تشرف بالمشاركة في العملية الشاملة 2018، لافتا إلى أنه في يوم 3 /6/ 2018، خلال شهر رمضان انفجرت فيهم عبوة ناسفة قبل الإفطار بساعة واحدة.

وأضاف "مازن"، خلال كلمته فى حفل تخرج دفعة جديدة من طلاب كلية الشرطة، بحضور الرئيس عبدالفتاح السيسي: " ساعة الانفجار حسيت إني بين إيدين ربنا وأتمنيت والله الشهادة ورغم شدة الانفجار وأنا بنزف حاولت استجمع قوتي علشان أطمن على زملائي، وعرفت بعدها إن ربنا اصطفاهم بالشهادة وهما أكيد دلوقتي في مكان أحسن مني، أنا بتكلم على الشهيد البطل النقيب محمود مجدي، والشهيد المجند تامر عبدالملاك".

وتابع :" أنا  مش جاي النهارده أقول لكم أنا اتصبت ازاي .. أنا جاي أقول لشعب مصر العظيم أهلي

وجراني وأصحابي.. لازم كلنا نكون إيد واحدة ونحافظ على البلد ديه .. ايد تنتج وتشتغل.. أنا اللي زي كثير ضحوا وهيضحوا عشان كلنا نعيش في أمان .. والأمن اللي احنا عايشين فيه دلوقتي دفع ثمنه  أبطال كثير منهم اللي ضحى بحايته ومنهم اللي فقد جزء من جسمه ومنهم اللي واقف على رجله لحد النهاردة بيكمل المشوار  وكله همه إنه يصون تراب البلد ديه ودول برضه كثير.

ووجه مازن رسالة إلى زملائه الجدد :" حافظوا على أمن بلادنا كملوا بطولات الأجيال اللي سبقتنا .. الوطن غالي وتهون علشانه كل التضحيات ".

شاهد الفيديو..