أسامة كمال: شجاعة رامي شحاته دليل على الجين المصرى اللي معشش جواه

أشاد الإعلامي أسامة كمال، بشجاعة رامى شحاتة، الذى أظهر بطولة فائقة وشجاعة متناهية، عندما نجح فى إنقاذ 51 طالباً من الموت المحقق، بعد أن هدد سائقهم بإحراقهم داخل الحافلة التى تقلّهم وصب فيها البنزين مشعلاً النار.

 

وعلق "كمال" خلال تقديمه برنامج  "مساء DMC" اليوم الجمعة: "الجين المصرى بيطارد المصريين، معشش جواهم، بيخلق منهم ناس تانية وقت الشدة، سواء كان راجل أو ست، كبير أو صغير، موضحا أن الجنسية المصرية أقدم جنسية فى التاريخ، أقدم مجتمع متكامل أقدم دولةأقدم جيش الجنسية المصرية مش مجرد جواز سفر ولا بطاقة رقم قومى لدرجة أن كتير من غير المصريين يقولوا

أنا مصرى الهوى يعنى معجون بالجنسية المصرية بيحب اللهجة المصرية ويحب المصريين ويحب يكون في مصر".

 

وتابع الإعلامي: "الجزء المبهر بالنسبة لى أن رامى سنه صغير وكان طبيعى يخاف زى زمايله، لكن الجين المصرى جمد قلبه، المصرى اللي جواه شد حيله وجمد أعصابه، ومعندناش تفاصيل كتير عن رامى اللى محتاجين نشوف كتير من نماذج ولاد بلدنا الكبار والصغيرين بره عشان نقول لولاد مصر بالداخل".