فيديو.. عزمي مجاهد يدعو لعمل تحليل مخدرات لأعضاء مجلس النواب

طالب الإعلامي عزمي مجاهد، عضو مجلس إدارة اتحاد كرة القدم سابقاً، إنه يجب على الدولة فصل وعقاب كل من يتعاطي المخدرات، كما طالب أعضاء مجلس النواب أن يكونوا قدوة بعمل تحليل مخدرات. 

 

وتابع "مجاهد" في برنامجه "مع عزمي" عبر فضائية "الرافدين+"، اليوم الثلاثاء: "الدولة جايبة أجهزة للكشف عن المخدرات في الكمائن والشارع والحارة والغيط الأجهزة موجودة، على مصائب الميكروباصات هنخلص من الفوضى دي نهائي مفيش رحمة ولا فيه واسطة".

 

وواصل: "مفيش حد هيشتغل في البلد دي متعاطي، الحكومة هتنهي فوضى الميكروباصات، اللي هيتمسك بيتعاطى ملوش دية، مفيش هزار.. وإن

شاء الله الجيش والشرطة المحترمين هيطهروا البلد من كل المتعاطين، اللي عايز يتصلح حاله يبطل ويتعالج غير كده محدش يزعل". 

 

وتابع: "من لا يعرف قيمة الجيش والشرطة لا يستحق الحياة في مصر، فهما صمام وأمان البلد".

 

وطالب الإعلامي، بعمل إجراء تحليل مخدرات لأعضاء مجلس النواب، مضيفا: "دول نموذج الشعب لازم يبقوا القدوة للجميع، مصر بتنضف وهتنضف مش هيبقى فيها مسطول".