"فيديو.. أسامة كمال: عيد الحب مش حرام .. وأبعدوا عن الناس النكدية
قال الإعلامى أسامة كمال، إن عيد الحب ليس حراما، مضيفا أن هناك مقولة لعلي بن أبي طالب رضي الله عنه،"إنَّ الله يقذف الحب في قلوبنا، فلا تسأل مُحبا لماذا أحببت، قُل له الحُب رزقٌ من الله، استنادًا لقول رسول الله (صل الله عليه وسلم)، "إنّي رُزقت حُبّها"، في إشارة للسيدة عائشة رضي الله عنها".
وأضاف"كمال"في برنامجه "مساء DMC"، اليوم الخميس، أن" الروشتة بتقول إبعد عن الناس النكدية وما أكثرهم أبعد عن الناس اللي بتطلع لك في التليفزيون ينكدوا عيشتك ويخرجوا بعد ما يخلصوا يتبسطوا ويضحكوا إبعد عن صاحبك على القهوة النكدي، وابعدي عن صاحبتك اللي بيسموها drama queen ومقضياها نكد.. حافظوا على قلوبكم وصحة قلوبكم".
وتابع :"عيد الحب مش أن البلد يبقى لونها أحمر، لكن تبقى البلد لونها وريحتها وطعمها حب وتسامح وقبول لبعضنا، نشوف الدنيا حلوة يوم واحد أو ليلة واحدة ولما نشوفها كدة نمسك لساننا اللي بيتكلم
وتابع" :على فكرة كل واحد فينا عنده احباطاته ومش ناقص تديله احباطات في الأمور العامة والخاصة، ع الأقل يوم واحد.. مش معقولة لما واحد يتفاءل الناس تبص له على انه عبيط، أو لو واحد ابتسم، يبقى محشش، أو لو واحد ضحك نهزقه، أو لو حد قال نكتة، نقول له احنا في ايه وللا ايه".
وطالب، المصريين بعدم الاحباط قائلا" التكشيرة والتبويزة مش هتخفض سعر كيلو الكهرباء ولا متر المياه ولا كيلو اللحمة ولا سندوتش الفول.. التبويزة هتضيع لك طعم الساندوتش لما تجيبه"
شاهد الفيديو: