شاهد.. تعليق أسامة كمال على تصريح رواتب المساجين 6 آلاف جنيه

علق الإعلامي أسامة كمال، على تصريح اللواء زكريا الغمري مساعد وزير الداخلية لقطاع السجون، بان بعض المساجين يحصلون على 6 آلاف جنيه، قائلًا: "لما ييجى يصلح الكلام يقول أنه فى مساجين بياكلوا بط وحمام ونعام والفائض بيخرج لمعارض الشرطة لبيعها". 

 

وتسأل "كمال" خلال تقديم برنامجه "مساء dmc"، المذاع على شاشة "dmc"، مساء اليوم الاربعاء: "مش عارف مين أقنع اللواء الغمري يقول هذا الكلام، سواء كان الكلام حقيقى أو بعيد عن الواقع فى بلد الحد الأدنى للأجور فيه 1200 هتقنع الناس أزاى ان المسجون بيأخد مرتب 6 آلاف جنيه".

 

وتابع: "هتقنع إزاى شعب عنده مشكلة أسعار فتقول له المساجين بيأكلوا حمام ونعام، مش

بس حمام، لكن حمام ونعام، احترت فى تصريحات المسئولين والمشكلة إنها كانت ندوة نظمتها الداخلية عن الدور المجتمعي لوزارة الداخلية".

 

وواصل الإعلامي تعليقه قائلًا: "إحنا في بلد محتاج تاخد بالك من كل كلمة بتخرج منك، موضوع الكلام مش بفلوس ولا الكلام ماعليهوش جمرك بقى ينفع، لأن الكلام مش بفلوس، لأ بقى بدهب والماظ ورقاب، بقى يطيرك من مكانك في لحظة، بقى يفتح الباب لتريأة من كل الناس".