سيدة الميكروباص: سيادة الرئيس قدملي مساعدة هتغير مسار حياتي

قالت نحمده سعيد، المعروفة إعلاميًا بـ"سيدة الميكروباص" التى التقت بالرئيس عبدالفتاح السيسي فى العاصمة الإدارية، إنها طلبت من الرئيس سيارة ميكروباص وستقوم بدفع أقساطها، معقبة: "سيادة الرئيس قدملي مساعدة أكثر مما طلبت، هتغير مسار حياتي، وتوفر لي وقت بالنسبة لأبنائي، وتوفر لي وقت أني ارتاح".

ووجهت "سعيد"، خلال مداخلة هاتفية على فضائية "ten"، اليوم الجمعة، رسالة لكل مواطن مصري، قائلة: "هتشوف الشغل تقيل وصعب، إن مع العسر يسر، ولكل مجتهد نصيب،

أنا كنت بجتهد واشتغل، وربنا كرمني وقابلت الرئيس السيسي، وحققلي حلمي اللى حلمت بيه من سنين، لو مكنتش خرجت وتعبت مكنش ربنا وفقني". 

وتابعت: "أنا بحلم أني أرجع زي الأول أدي فرض ربنا وأقرب منه، شغلي كان ضاغط عليا، ومش بقدر أدي فرض ربنا في وقته".

 

شاهد الفيديو: