أسامة كمال يوجه رسالة هامة للمصريين على الهواء

وجه الإعلامي أسامة كمال، رسالة للشعب المصري قائلا: "مصر كبيرة قوي بناسها وشعبها ولما تريد بتحقق وبتنجز، أرجو إنكم تسمعوا كلامي لأنه كلام مهم، كلنا نريد سواء تعليم و صحة أفضل،وحياة أكثر كرامة، سهلة، ميسرة، لقمة العيش الحلال فيها متوفرة، والخدمات موجودة غيره وغيره". 

 

وتابع "كمال" خلال برنامج "مساء dmc" مساء اليوم الثلاثاء: "أنظروا لسلوكنا في التعامل في كل شئ، من أول المدير للغفير، من موظف الحكومة للي بيبيع أي حاجة أو بيقدم أي خدمة.. كلنا بنشتكي من الغلاء ونادرين اللي بيكافحوه، نادرين اللي بيتاجروا ويقولوا نبدأ بنفسنا ونكتفي بربح

حلال يعيشنا كويس ويساعد الناس لحد ما موجة الغلاء تعدي".

 

وطالب الإعلامي، المواطنين بضرورة النظر لسلوكهم، متابعًا: "لو شفت مثلاً مأمور ضرائب وهو بيقدر جزافي ويقول لك حق الدولة، وحق الدولة مش جزافي يا أستاذ، ماتكفرش الناس في عيشتها، حق الدولة مابيجيش وانت متكاسل إنك تعرف الحقيقة وتدخل على واحد تدبحه وهو مايستاهلش الدبح وتسيب التاني وهو متهرب ويستاهل الحرق".