نشطاء يسخرون:"فرحة رجوع النور متتوصفش"

مع بداية فصل الصيف عادت أزمة انقطاع الكهرباء مرة أخرى ولكن بشكل يومى وبانتظام مما أدى إلى استياء المواطنين, والنشطاء على مواقع التواصل الاجتماعى "فيس بوك وتويتر".

قوام النشطاء على موقع"تويتر" بتدشين عدد من الهاشتاج مثل  انقطاع_ الكهرباء , ‎‫النور قاطع فى مصر‏ , مصر_الضلمة  وذلك للسخرية من عودة انقطاع الكهرباء مرة أخرى, فعلق الفنان "أحمد حلمى" قائلا : عذرا عادل إمام .. محمد مرسى هو أمير الظلام "
بينما قال "محمد أبو السعود" "يا جماعة نبص شوية للنص المليان، هو صحيح انقطاع الكهرباء ده شىء مقرف ومهين لكن برضه فرحة رجوع النور متتوصفش، و احنا بقالنا كتير مفرحناش".
وقالت "ريهام الجيلانى" أكاد أجزم أنه مفيش بيت فى مصر .. إلا وبيشتم أو بيدعى على مرسى بما فيهم بيوت الإخوان أنفسهم .. والسبب انقطاع الكهرباء.
كما عبر سيد أبو حفيظة "ﻣﺤﺼﻞ ﺍﻟﻜﻬﺮﺑﺎﺀ ﺍﻟﺸﻬﺮ ﺩﺍ ﻫﻴﺨﺒﻂ ﻋﺎﻟﺒﺎﺏ وهيحط ديله في سنانه ﻭﻳﻄﻠﻊ ﻳﺠﺮﻯ" , وقال محمود ثروت "الكهرباء مقطعتش لغاية دلوقتي انااااااااااا ابتديت اتوغووش!!"
وسخر محمد خيرى "الواحد بقي بيمشي من الشغل لما النور يقطع مش لما يخلص

وسخر أحمد كمال "النور بيقطع يوميا من 11 لـ1 والإعادة من 3لـ5 عصرا والاعادة من 7لـ9 ده علشان لو كنت برة ومالحقتش , تلحق الإعادة"
كما برر مؤمن صاحب حساب "مرسى أمير المؤمنين"  انقطاع الكهرباء، بأنه "يجعل أطفالنا يتابعون حركة النجوم وتغير مواقعها وشدة إضاءتها وغالباً ما سيصبحون علماء فلك مرموقين فى ناسا كأمير المؤمنين مرسى، مضيفا: "ثم إن انقطاع الكهرباء يصفى قلوب المؤمنين من الحسد فيشعر الغنى بالفقير ويستذكر الفقير الحكمة القائلة: "كاس ودوّار فتنتشر المحبة بينهم".
كما علق بعض النشطاء والصفحات على موقع "الفيس بوك " على تكرار انقطاع الكهرباء بشكل يومى ومتكرر , فسخر أدمن صفحة " اساحبى" قائلا "طب أنا عايز أدخل استحمى و اسمحولى أقول استحمى فى وسط الكلام والنور المفروض يقطع من ساعة و لسه ما قطعش أعمل إيه .. أعمل إيه يا مرسى أعمل إيه يا قنديل البحر" وأضاف " هو مولد الكهرباء على العريس ولا على العروسة ??
كما علق عبد الرحمن أشرف "الواحد لما النور بيكون قاطع ويجي بيبقي مش عارف يعمل إيه ولا إيه ،يفتح نت ولا تلفزيون ولا يستحمي ولا يذاكر ،علي مابياخد قرار النور بيقطع"
كما طرح أحد النشطاء سؤال "إلى النور مش بيقطع عندهم ياترى سكنين جنب حد مهم؟ , وجاءت العليقات من النشطاء فقالت مهجة الكرادى "أنا سكنة فى المقطم جنب مكتب الإرشاد والنور مش بيقطع عندى خالص"
كما علقت منال إسماعيل قائلة: أنا ساكنة جنب بيت مرسى والنور مش بيقطع عندنا, عشان ساكنين جنب ناس مهمين أوى "
وأضافت هبة سليم " انا جانب الاتحادية وطبعا ان شاء اللة هيبقي استحالة يقطع الصيف ده طبعا علشان ألبية يعرف يشوف طلبات آهلة وعشيرتة" .
وقالت تقى عمرو " انا ساكنة جنب هشام قنديل ومش بيقطع"
وسخر بعض النشطاء على صفحة " أساحبى " بمجموعة من الصور لبعض الأفلام والأغانى معلقين عليها بعبارات ساخرة حول انقطاع الكهرباء ومنها :
وكانت وزارة الكهرباء والطاقة، قد اعتذرت عبر بيان لها، يوم الثلاثاء، للمواطنين عن لجوء شركات الوزارة إلى قطع التيار عن مناطق متفرقة من الجمهورية مساء أمس، والمعروف علميا بـ"تخفيف الأحمال"
وقالت: إن هذا الانقطاع اضطراري رغمًا عنها، وذلك بسبب عجز قدرات التوليد المتاحة عن مسايرة زيادة الاستهلاك بسبب نقص إمدادات الوقود المغذى لمحطات الكهرباء، مُطالبة المواطنين بالعمل على ترشيد استهلاك الكهرباء، خاصة أجهزة التكييف والسخانات الكهربائية.