شذى تفتح النار على حسن شاكوش.. "أنت مؤذي وصوتك مزعج"

تصدر اسم مطرب المهرجانات الشعبي حسن شاكوش، محركات بحث جوجل ومواقع التواصل الاجتماعي في الساعات الأخيرة، بسبب تصريحاته المثيرة للجدل خلال حواره مع الإعلامية بسمة وهبة، مقدمة برنامج «العرافة»، المذاع على قناة المحور. 

 

اقرأ أيضًا: 

حسن شاكوش يهددُ "شيخ الحارة" على الهواء.. فيديو

 

حسن شاكوش يهاجم المطربة شذى: ربنا يتولاها

رد حسن شاكوش على الانتقادات التي وجهت له الفنانة شذى عندما قالت في لقاء من قبل بإنه لا يجيد الحديث، ليهاجمها شر هجوم قائلًا :" هي بتغني؟.. هي دي مغنية؟.. بتغني إيه؟؟؟ معرفهاش والله العظيم، أنتِ حافظة لها أغاني؟".

 

وتابع حسن شاكوش، خلال حواره مع بسمة وهبة، :"ربنا يتولاها، أنا مش مستفز زي ما هي بتقول، أنا بتكلم بطبيعتي ومبحضرش، لكن أنا مبغلطش، ومش بحب أكون FAK". 

شذى تفتح أبواب النيران على شاكوش: أنت لا فنان ولا زميل

فتحت الفنانة شذى أبواب النيران على حسن شاكوش بعد الكلام الذي قاله مع الإعلامية بسمة وهبة، وذلك من خلال منشور كتبته عبر حسابها الرسمي على موقع فيسبوك قائلة :"طب أنت مستفز يا شكشك بدل كلمة مستفز بتعصبك ودكتورة بسمة وهبة علشان هي ست شيك، قالتلك شذى فنانة زميلة عشان تجبر بخاطرك بس الحقيقة أنت لا فنان ولا زميل". 

 

وتابع شذى :" قالتلك شذى فنانة زميلة علشان تجبر بخاطرك بس الحقيقة أنت لا فنان ولا زميل بالنسبالي خالص، أنت مؤدي، وبالنسبالي صوتك مزعج إنما فنان زميل دي أنا اعترض عليها بشده ودي الحقيقة بس علشان دكتورة بسمة مؤدبة وأنت ضيفها مقلتلكش الحقيقة". 

 

وأضافت :" أصلًا مينفعش تسأل مين دي مش علشان لازم تكون عارفني بيني وبينك اريح لو متعرفنيش، وتعمل الشويتين بتوع ااااااه عارف اسمها ومش عارف اغانيها ومال شكلها اتغير كده ليه وجو 3 ورقات ده". 

 

 

وأوضحت شذى في حديثها :"لأن الرد موجود ما انا أو محدش فاكرني ولا عرفني مش هيجيبوا كلامي وأصلا اسماء الاغاني اللي انت قولتها دي تتكتب على تكاتك متعملش فيها بيتهوفن والنبي ومش معنى أن في هيصه الفتره دي على اللون ده أن أنت واللي زيك صناع المزيكا في مصر ابدا والله انتوا فاضحنا في العالم كله بردائه المزيكا اللي بتقدموها".

 

واختتمت كلامها :"وعموما وعمليا ردك ملهوش دعوه خالص بالسؤال ولا فهمت منك حاجة ومش عيب أنك تحضر قبل الحلقة عفوي وعلى طبيعتك دي لما تكون قاعد على مصطبه أو واثق في ردودك الذكية المنطقيه اللي هي مش موجوده اصلا ف إبقى حضر بعد إذنك علشان بدوخ المذيعين معاك...ملحوظه الجاكت اللي كنت لابسه حريمي يا فنان".