استضافت الإعلامية إسعاد يونس في برنامجها "صاحبة السعادة" المُذاع على شاشة DMC الفنان طارق صبري وزوجته الفنانة شيري عادل، ليكشفان موعد حفل زفافهما، وكيف بدأت قصة الحب.

 

اقرأ ايضًا.. صور.. إطلالة شيري عادل تضع نجمات مهرجان أسوان في مأزق

 

بداية قصة حب شيري عادل وطارق صبري

أوضحت شيري عادل كواليس بداية قصة الحب مع طارق صبري ، قائلة:" تجمعني به صداقة منذ فترة وبدانا نتكلم مع بعض بشكل يومي وبنسأل على بعض.. وفجأة دخلنا حياة بعض وبقينا لازم نتقابل ونتكلم كل يوم ثم بدأت قصة الحب بيننا ".

 

وتابعت شيري عادل: "لما كان بيكلمني عشان نتقابل كنت بروح على طول".

 

وعلى الجانب الآخر روى طارق صبري كيف بدأت قصة حبه بشيري عادل قائلًا: " احنا اشتغلنا بنات سوبر مان من 2016، كنا زمايل خالص بس مكنش فيه علاقة عاطفية، وبقينا أصحاب وبنسأل على بعض كل فترة وكان عندي شوية إعجاب تجاه شيري وكنت بحاول أسأل عليها كل فترة وتعالي نتقابل وكانت بتحلقلي كانت دايما بتيجي على بالي

ومتقبلناش غير مرة في اجتماع عند أشرف عبد الباقي، ومرة قولتلها تعالي نتقابل قالتي انا قاعدة جنب القط بتاعي فعرفت انها بتحلقلي ".

 

واختتمت شيري الحديث، فقالت: بدأ يكلمني وأنا اسأل عليه وهو عمل حاجات من اللي بنحبهم، والموضوع بقى كأن اتنين المفروض يقابلوا بعض كل يوم ويكلموا بعض كل يوم وفجأة بقينا في حياة بعض، وبعدها عرض عليا الجواز".

 

موعد حفل زفاف طارق صبري وشيري عادل

وعن موعد زفافهما، كشفا العروسين أنه سيُقام في الصيف، وعن السبب قالت شيري عادل: "كان نفسى أعمل فرحى على البحر، قولت نعمله فى الصيف، بالنسبة له الفرح مش أهم حاجة، قال لى: نتجوز وبعد كدة نعمل الفرح".