نجل حسن يوسف يشن هجومًا على حسين فهمي.. حافظ كلمتين خايبين

 شن عمر حسن يوسف، ابن الفنان القدير حسن يوسف، هجومًا حادًا على الفنان حسين فهمي، رئيس مهرجان القاهرة السينمائي، بسبب عدم دعوة والده للمهرجان.

 

(اقرأ أيضًا) الفنان حسن يوسف: أنا وجيلى خارج حسابات الدراما بعد ٦٠ سنة فن

وبرر حسين فهمي عدم دعوه زميله الفنان حسن يوسف للمهرجان في أحد حوارته قائلًا: "حسن يوسف اعتبر أن الفن حرام في فترة من الفترات وهو لا يزال يعمل، فهل فعلًا شايفه حرام".

ليرد عمرحسن يوسف عبرر منشور نشره على صفحته الرسمية على موقع التواصل الاجتماعي فيسبوك قائلًا: "مع احترامي للفنان حسين فهمي، بس شكله مش متابع جيد الفترة اللي فاتت للدراما المصرية، كونه رئيس مهرجان القاهرة السينمائي الدولي لازم يتابع أكتر من كده شوية. وأنا أكيد مش محتاج أذكر أعمال الفنان حسن يوسف اللي هو علامة من علامات الفن المصري من ٤٠ سنة إلى الآن، بس كان ممكن برضه يخش على جوجل وكان حيعرف تواريخ الأعمال لو كان فكره اعتزل.. تصريح غير موفق بالمرة".

ونشر عمر أيضًا صور لوالده وكتب: ده لما شبع تمثيل كنت انت لسه بتحبي علي أي فرصة يا حسين يا فهمي، كما شارك صورة لتكريم والده من الدولة، وكتب: طب إزاي الدولة تكرم فنان وسام العلوم والفنون من الطبقة الأولى، ويطلع رئيس مهرجان القاهرة يقول أصل الفنان ده متعزمش عشان بيحرم الفن، لا أنت محتاج لما تتعين في منصب زي تراجع كده وتعرف التاريخ كويس، عشان أكيد الدولة بتفهم أكتر منك، بس واضح إن جاي كومبارس وطلعت حافظ كلمتين خايبين زيك".

وشارك منشورًا آخر لإحدى الصفحات المحبة للفنان القدير حسن يوسف، والذي نص: "متخيلين ان فنان

كبير زي حسين فهمي يتساءل عن عدم دعوة فنان كبير بحجم الفنان حسن يوسف من أعمال وتاريخ كبير محدش فينا يقدر ينسى حسن أبو علي اللي معظم  بنات زمانه والأجيال اللي بعده كان فتى أحلامهم وإن معظم فتيات جيلنا كان نفسه يعيش فترة شباب حسن يوسف ومش بس كده حسن يوسف تاريخ كبير في التمثيل وحرفيًا مدرسة فن يطلع فنان كبير يقول أصله بيقول إن الفن حرام حضرتك حسن يوسف لما عمل زهرة وأزواجها الخمسة عمل ده وهو كبير، أظن الفنان حسين فهمى محتاج يعتذر للفنان حسن يوسف زي ما اعتذر لبوسي شلبي بعد ما كسفها قدام الكاميرات".

تعليق حسن يوسف على عدم دعوته لمهرجان القاهرة السينمائي

كشف حسن يوسف في مداخلة تلفزيونية حقيقة استيائه من عدم دعوته لحضور مهرجان القاهرة السينمائي في دورته الـ44، قائلًا: "أنا مش مهتم ومش فاضي أعرف بعتولي دعوة لحضور مهرجان القاهرة السينمائي ولا مبعتوش".

 

وأضاف: "استقبلت أول حفيدة هذا الشهر، لست متأكدًا من إرسال دعوة لي من مهرجان القاهرة السينمائي من عدمه لأني كنت مشغولًا باستقبال أول حفيدة لي".