اتهامات بسرقة أغنية محمد رمضان الجديدة من ملحن شهير (شاهد)

 بعدما طرح الفنان محمد رمضان أغنيته الجديدة "لو ناسيين أفكركوا" والتي جمعته برفقة المغنية شاهيناز، ولاقت رواجًا واسعًا بين الجمهور، وجه الملحن صادق عادل اتهامات بالسرقة لصناع الأغنية التي طرحتها شركة روتانا.

 

(اقرأ أيضًا.. دوشة محمد رمضان واستمرار "الأنا" دون هدف (فيديو)

 

 

وأوضح صادق أنه طرح الأغنية بعنوان "سالكين" بنفس الكلمات واللحن قبل 4 أشهر عبر الإنترنت، وهي من ألحانه وتوزيعه وكلمات فايتر، الذي شاركه الغناء.

 

وكتب صادق عادل عبر حسابه الرسمي على مواقع التواصل الاجتماعي فيسبوك: "أغنية النجم محمد رمضان الجديدة لو ناسيين أفكركوا من ألحانى و نازله بصوتى من يوم 7/11 اللى فات يعنى من ٤ شهور، والكل يقدر يسمعها قبل ما يقفلوها عشان وصلى معلومات أنهم بيحاولوا يقفلوها دلوقتى".

 

 

وأضاف: "المهم إنى اتفاجأت أن مكتوب فى التتر أن الأغنية من ألحان الأخ شريف عباده، ودى فضيحة وسرقة علنى، مش لأنه مش ملحن الأغنية، لأنه مش ملحن أصلا، وأنا بتحداه يغنى اللحن بصوته أصلا".

 

 

وتابع: "أنا عايز حقى وبطلبه بكل أدب واحترام، ياريت كل الناس تساعدني أوصل صوتى وأجيب حقى من النصاب شريف عباده، لأن أعتقد أن النجم محمد رمضان وشركه روتانا تعرضوا للنصب، مستحيل يكونوا على علم بالسرقة العلنية دى والله اعلم".

 

 

وختم منشوره قائلًا: "أتمنى من كل أصدقائي الصحفيين متابعة الموضوع ومساعدتى على أخد حقى بكل الطرق المشروعة.. وده لينك الغنوة للي حابب يسمعها".

 

 

كلمات أغنية لو ناسين أفكركوا

لو ناسيين ماليش جناح عشان تقصوه ولا عيني ازاز عشان تكسروه

مفيش تيكتات شبعنا من دول بس دماغنا اعلي م السوق

حوالينا فيه كلاب كتيره بتحوم ع المصلحة فـ ثانية بتقوم ع الجدعنة

زميلي بتدوب الله الغالب كله مغلوب

لو ناسيين افكركوا لو سالكين اقدركوا

كل اللي في ايدي انا قدمته قولي اعملكوا ايه انا ضهري ده سندي دراعي صاحبي

مين فيكم فالشدة وقف جنبي طول عمري ساندكم مين سندني لو طالوا يكلوني ينهشوا لحمي

انا كنت اوفي صاحب فيهم كل اللي في جيبي ده كان ليهم انا عمري ما فكرت اذيهم دبحوني وما صعبت عليهم لو ناسيين افكركوا لو سالكين اقدركوا

كل اللي في ايدي انا قدمته قولي اعملكوا ايه العين بالعين والبادي اظلم قابلوا اللي جاي انا مش هرحم ياللي انت جاي عمال تمرهم كل اللي جاي على حقي يندم بعمل خير بلاقي شر نازلين عليا نم قر نفسي فـ مرة ترسو على بر ده وقت حسابكم مافيش مفر.

 

 

فكرة الأغنية

نشر محمد رمضان مقطع فيديو له عبر صفحته الرسمية على موقع تبادل الصور والفيديوهات الأشهر انستجرام قبل ساعات من طرح الأغنية وقال: "كنت في قاعدة وبقول إن ربنا بيحب الإنسان الطماع ما دام الطمع في ربنا مش في بشر، ورد حد قالي طمعك دا محدش هيسمحلك بيه ولو كبرت هيحاولوا يقصوا جناحاتك".

 

شاهد الفيديو..