جيلان علاء وعز شهوان يكشفان كواليس ارتباطهما وزواجهما

 حلت الفنانة جيلان علاء وزوجها الفنان عز شهوان، ضيفين مساء أمس الخميس على الإعلامية منى الشاذلي في برنامج "معكم" المذاع عبر قناة CBC، وكشفا خلال الحلقة عن كواليس ارتباطهما وبداية علاقتها.

 

(اقرأ أيضًا) اللقطات الأولى من حفل زفاف الممثلة جيلان علاء وعز شهوان

 وأوضح كل من جيلان وشهوان أنه خلال لقائهما الأول مع منى الشاذلي الذي كان قبل أشهر كانا مجرد صديقين فقط ولا تربطهما أي علاقة، وقالت جيلان: "يوم تصوير حلقتنا بنفس البرنامج منذ شهور، كنا أصحاب فقط، وبعدها وصلني للبيت بسيارته وطلب مني الزواج".

وقال عز: "اللي حصل أحنا وقاعدين في الحلقة حصل كهربا، ويوم ما مشينا من هنا ووصلتها فضلت طول الطريق أقول لنفسي هقولها انهارده ولا بكره، ولما وصلتها تحت البيت الساعة 1 بالليل قولتلها بحبك وعايز اتجوزك، فـهي قالتلي لا، عشان

مكنتش عايزه تتجوز".

وأوضحت جيلان سبب رفضها الزواج منه بعد إعلان حبه لها قائلة: "أنا رفضي كان بسبب خوفي من الجواز، وتجاربي مكنتش ألطف حاجة، وبالنسبالي مفيش راجل يقول لواحدة هتجوزك، وقولت أكيد كداب أو بيهزر والموضوع مش هينتهي نهاية سعيدة، عشان عدى 34 سنة وعديت بحاجات مأسوية واللي جالي في الدوغري مصدقتوش".

وأردفت: "وبعد شهرين رجعنا أصحاب تاني، وهو قالي أني مش عايز أخسرك، وفي يوم بنفطر في مصر الجديدة كأصحاب، قولت له أنا عايزة أقولك حاجة، قالي: إيه؟، قولت له: أنا بحبك".