ثراء جبيل تروي تفاصيل تعرضها للتحرش على يد طبيب (فيديو)

كشفت الفنانة ثراء جبيل تفاصيل تعرضها للتحرش على يد طبيب طوارئ في إحدى المستشفيات 2014، وذلك خلال حوارها مع الإعلامية رغدة شلهوب ببرنامج نص الكلام المذاع على فضائية النهار.

 

(اقرأ أيضًا) شتمني بأفظع الألفاظ.. ثراء جبيل تكشف كواليس خلافها مع المخرج أحمد صالح

وقالت جبيل: "كان عندي تجربة سيئة جدا مع التحرش كان دكتور، كان عندي بروفات مسرحية في قاعة سيد درويش في الهرم وكنت تعبانة وسخنة جدا، وزملائي بعد ما سائت حالتي أخدوني لمستشفى كان معايا زميلتي واحدة بس خرجوها معايا والأولاد زملائي استنوني برا".

وتابعت: دخلت أوضة الكشف مكنش في ممرضة، مع إن الدكتور لازم يكون معاه ممرضة والدكتور ربنا يسامحة تحرش بيا وحبسناه، المفروض حدود كشفه معروفه لحد بيشتكي من ألم في الصدر والزور وسخونية،

والكشف خرج برا الحدود دي تماما ومن كتر الصدمة مكنتش قادرة أتكلم حاجة غير أخلاقية، ولما خرج يجيب حاجة حكيت للبنت اللي معايا ومسكتتش وزعقت ليه وزملائي سمعوا كلموا ناس وبهدلناه ومستقبله راح".

وأكملت: "فضل يدافع عن نفسه وقال إنه معملش حاجة، أنا مش هتبلى عليه والموضوع كان واضح أنا كنت واعية وفاهمة إيه اللي بيحصل، كان في حاجة غلط بيعملها واستمرت مدة الكشف وهي 5 دقايق، شعرت بالانتهاك والظلم والصدمة لأنه دكتور وفي ميثاق شرف".

 

شاهد الفيديو...