ليلى غفران تكشف سبب ابتعادها عن الفن

 تصدر اسم الممثلة ليلى غفران مؤشر موقع البحث العالمي جوجل وتريند مختلف مواقع التواصل الاجتماعي، بعدما حلت ضيفة في برنامج "كلام الناس فى رمضان" مع ياسمين عز على MBC مصر، وأزالت غفران خلال الحلقة الستار عن مواضيع عدة في حياتها أثارت حيرة جمهورها، ولعل أبرزها هو سبب غيابها عن الوسط الفني.

 

(اقرأ أيضًا) ليلى غفران: عايزة أوصل للناس صوت أم كلثوم في الوقت الحالي

وأوضحت غفران انها تركت الفن بعدما تعرضت لوعكة صحية، قائلة "غيابي عن الوسط الفني كان بسبب بعض الظروف المتعبة"، وأضافت "الوسط اتغير وبقى غريب عليا، وبعدين لما تكونى حاسة إنتي فى غيبوبة وفيه حاجة حصلت وديتنى فى عالم تانى خالص وتصحي تلاقي نفسك بعدتى كتير، أنا كنت فى غيبوبة مرضية وحصلى جلطة فى المخ سببت ليا شلل كامل، وفوقت من الغيبوبة كان ربنا بيقولى فوقى وكملى المشوار والحمد الله بدأت اشتعل وأعمل شوية حاجات".

 وعن سبب تعرضها للجلطة قالت "أنا نمت زعلانة

ومن كتر الزعل صحيت جالي جلطة ودخلت في غيبوبة"، وتابعت غفران: الجلطة في المخ جات من أكتر من حاجة صعبة في حياتي، وكانت عبارة عن تراكمات من جوايا، وأنا من نوع الناس اللي مبعرفش أغضب وأطلع اللي جوايا، ودايمًا أكتم وأسامح أي حد بيسيء ليا، فحصل تراكمات لدرجة إني مرة واحدة حصلي غيبوبة فجأة، ودخلت المستشفى واتحجزت؛ لأني مبقيتش أقوم ولا أتحرك، وكنت بتعالج من الجلطة وبقيت حاسة كأني طفلة في الكلام وبتهيألي حاجات كتير من كمية الأدوية اللي كنت باخدها، وبقيت بشوف حاجات غريبة ورجعت طفلة وبقيت تاني كبيرة وأثرت معايا كتير أوي".