(فيديو) عمرو أديب يكشف تفاصيل مكالمته الشخصية مع شيرين عبد الوهاب

كشف الإعلامي عمرو أديب تفاصيل مكالمته مع المطربة شيرين عبد الوهاب والتي كشفت فيها عن رأيها في أزمة والد زوجها حسام حبيب والتسريب الصوتي الفاضح المنسوب له، وذلك قبل بدء برنامجه "الحكاية" المذاع عبر قناة mbc مصر الفضائية.

 

اقرأ أيضاً..

شاهد.. أول تعليق لشيرين عبد الوهاب على التسريب الصوتي لوالد زوجها

 

وقال عمرو أديب: "قبل ما أدخل البرنامج، كان في بيني وبين شيرين مكالمة قالت لي أنا مكتفية باللي سجلته، وقالت بالنص هذا الرجل حسام حبيب، هي مآمناه على نفسها وعلى عيالها وحياتها كلها. الكلام ده كلام فارغ".

 

وتابع "أديب" : "شيرين فنانة ضخمة وكبيرة لها محبين كثيرين، وطبعا جمهورها بيخاف عليها. طبعا شيء جيد إنها عملت هذا الرد بالصوت وبصورة لها مع زوجها حسام حبيب، ولكن طبعا الأمر مخلصش وواضح إن حيبقى له تداعيات الأيام القادمة."

 

 

وأضاف: "ناس كتير ابتدت تعلق، هي ردت على الكلام ده، بس ما ردتش على الكلام ده. هي ردت على موضوع التوكيلات وإنه واخد الڤيزا بتاعتها. يا جماعة إحنا صعب نبقى في عصر حد واخد الڤيزا بتاعت حد، وبعدين شيرين مش موظفة فعندها ڤيزا واحدة ومبتعرفش حساباتها."

 

 

وجاء ذلك بعد ساعات قليلة من تصريحات شيرين عبد الوهاب وتعليقها على التسريب الصوتي المنسوب لوالد زوجها حسام حبيب قائلة: "كل الناس اللي بتحبني أنا بخير مفيش خطر عليا ولا على والدي اللي حصل مش هينفع أرد عليه في كلمتين .. حسام إنسان من أنضف رجال الدنيا ومحترم ومتربي وبيحبني أكتر من نفسه، وما يستهلش كم القسوة دي".

 

وتابعت: "الرجل اللي ربنا حطه في طريقي، كان سبب في إنه يبني شخصيتي، ورجع لي الثقة لنفسي تاني ربنا بعتهولي في طريقي .. من ساعة لما اتجوزني ما عملش لنفسه أي حاجة، وحماتي اللي هي مامته إنسانة عظيمة لأنها ربت إنسان عظيم”، وطالبت من الجمهور الدعاء لها بالذرية الصالحة".

 

لسماع الجزء الأول تعليق شيرين الصوتي على أزمتها اضغط هنا

 

ودافعت "شيرين" عن زوجها حسام حبيب بشأن استيلائه على أموالها

قائلة: "كل شيء خاص بي مش معاه وكل الكلام ده مش مظبوط لأني أنا كلي بتاعته .. جوزي ابن ناس وعيلة محترمة، ما قبلش إن حد يتكلم عليه كده، ولا هو ولا والدته، والناس اللي زيه مش موجودين، لو كان عاوز يستفيد مني كان عمل أغنية سنجل ليه".

 

واختتمت رسالتها الصوتية قائلة: "كل الناس بتتخانق وتختلف، لكن هو بيحبني أكتر من نفسه، أنا حاسة ربنا عاطيني قلب ومؤشر وحاسة معاه بالأمان، كفاية إنه خرّج من حياتي كل الناس اللي كانت بتستغلني والتعابين والحاجات الفاسدة".

 

لسماع الجزء الثاني من تعليق شيرين الصوتي على أزمتها اضغط هنا

 

وكان قد تداول رواد مواقع التواصل الاجتماعي مساء الأحد تسريباً صوتياً منسوب لـ حسين حبيب والد الفنان حسم حبيب، يتحدث فيه عن خطة نجله للزواج سرا على زوجته شيرين عبدالوهاب، وجاء فيه خطة والد حسام حبيب لزواج نجله سراً على شيرين عبد الوهاب، من أجل إنجاب أطفال، كما اعترف فيه بأنه يتحكم في جميع الحسابات المالية لها ويأخذ أموالا من حساباتها دون الرجوع لها، وأنها شخصية تطلب الطلاق باستمرار.

 

من جهته، نفى والد حسام حبيب علاقته بالتسريب الصوتي قائلاً: "كل ما أثير هو كذب وافتراء .. إن ما أثير هو كذب وافتراء، وناس عاوزة تخرب بيوت ناس، الله يخرب بيوتهم، ده مش صوتي.