ما بين النكد وتحمل المسئولية.. النشطاء يتبادولوا ما تشتهر به الست المصرية

دشن رواد مواقع التواصل الاجتماعي هاشتاج ساخر يحمل عنوان" الست المصرية مشهورة بـ" وتبادل كلا من الرجال والنساء التعليقات الساخر منها والجاد والتي تضم مزايا وسلبيات عديدة في المرأة المصرية.

اقرأ أيضًا: ايه منعك ترتبط.. النشطاء يسخرون من الارتباط

وسخر البعض من عدة صفات يؤكد الرجل أنها أصبحت ملصقة بشكل أو بأخر في المرأة المصرية ومنها "النكد والزن"، حيث قال أحد الشباب:"على أد ما هي جميلة ودلوعة لكنها نكدية من الدرجة الأولى"، وهنا خرجت أحدى النشطاء لتسخر من الرجال وتقول:" يبقى بخيل وكئيب وعنده كرش ويطلع يعيب في الست المصرية".

وتابع البعض بنشر كوميكسات توضح أن الست المصرية نكدية وبعد الزواج الحوار الذي يجمع بينها وبين زوجها ينحسر في طلبات المنزل ومسئوليات الأطفال فقط.

فيما دافع الكثيرون عنها ومن بين التعليقات التي تكشف مزاياها:"هي تيجى على نفسها كتير عشان ولادها بتستحمل زوجها فى عصبيته ولو يوم غلط بتسامح عشان المركب تمشى لو تعبانه ماتقولش اصلها لو رقدت البيت يبوظ ويتبهدل ولو الزوج مش موجود بتكون هيه الاب والسند

ذى امى ربنا يخليها عشان كده ربنا قال: رفقا بالقوارير".

كما أكد بعض الرجال أن المرأة المصرية معروفة بإخلاصها ووقوفها بجانب زوجها في كل الحالات:"وقوفها جنب جوزها وقت الشدة ،بتحملها للأزمات ، بتضحياتها لأولادها، بإخلاصها لزوجها وحفظ ماله وعرضه في غيبته .. الست المصرية الأصلية تتشال ع الراس وما نوفيها حقها" .

وغرد حساب يحمل أسم سماح ابوالحمد:"الست الجدعة الست الشقيانة الست اللي بتفتكر بكل حاجه تقدر تسعدكم بيها لوعندك مشوار مهم بدري بتنام مطمن علشان امك موجوده منبه البيت ست الستات بالف راجل الست هي عمود البيت واحيانا سقف البيت لانها ستر وغطا عليهم تقريبا الجيل ده قرب يختفي الا من رحم ربي".