رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

"اتجوزها يا منيل ومتطلعش عيل".. شعار للشباب يتصدر تويتر

منوعات

الخميس, 10 أكتوبر 2019 16:05
اتجوزها يا منيل ومتطلعش عيل.. شعار للشباب  يتصدر تويترهاشتاج اتجوزها يا منيل ومتطلعش عيل يتصدر تويتر
كتبت-إيمان مجدي:

بعد انتشار قصص الانفصال بين الشباب الخاطب منهم والمتزوج بكافة تفاصيلها على صفحات التواصل الإجتماعي، تصدر اليوم هاشتاج"اتجوزها يا منيل ومتطلعش عيل" موقع التغريد العالمي تويتر،

هذا وقد تفاعل النشطاء مع الهاشتاج بشكل كبير جدا وساخر، وتبادل الشباب من الفتيات والذكور "الكوميكس" والتعليقات الساخر منها والجاد، مستشهدين بقصص بعض المشاهير الفنية ومشاهير السوشيال ميديا الذين انتشرت قصصهم الفترة الأخيرة.

ومن بين التعليقات حذر أحد النشطاء الرجال من عدم التزامهم بوعد الزواج وقال:" اتجوزها يا منيل ومتطلعش عيل عشان لو خليت بيها، بتتحول من كائن ملائكي لشيطان، خلوهم الحاجه الحلوة اللي علي الأرض زي ما هما، عشان بيطلعوا ميتين أبو الكون كله لما بيتجرحوا".

فيما سخر عدد من الشباب من الظروف الحالية التي تعيقهم عن فكرة الزواج، معبرين عن ذلك بتعليقات كوميدية من كون تشبيه من لم يتزوج الفتاة التي وعدها بذلك انه عيل:" بس أمن مستقبلي يا بو صلاح، انا عندى نقص فيتامين "ف" وايه فيتامين ف دا كمان؟! الفلوس يا بو صلاح... الفلوس"، وأخر:"اتجوز مين هو أنا لاقي أكل"، و"عاوزني اصرف علي واخده معرفهاش".

اقرا أيضًا: راجح قاتل.. طعن "شهم" في البطن والرقبة عاتبه لتحرشه بفتاة

ووجه شاب رسالة لأهل الفتاة مضمونها:" مهو انا عايز اتجوزها بس اجيب منين شبكه ومهر وشقه وقاعه

الخ الخ..علشان اتجوزها يامنيل متطلعش عيل..احب اوجهلها رسالة.." خلى ابوكى يسهلها يامنيلة العملية مش مستحملة"

فيما قالت أحد الفتيات:" دا حتي أحمد سعد رجع لسمية الخشاب"، وقالت أخرى:"هو عيل اصلا و منيل اخر حاجه وياخد جمب عشان لو لمحته هعلقه.. وهملوني لحالي بئا انا و ذكرياتي الهباب معاه".

بينما عبر أحد الشباب عن السبب وراء تأخير الزواج وقال"اتجوزها ازاي والعيشة غالية جدا بجد انهاردة عشان اتجوز عايز 500000 الف نص. مليون .. ده غير كدة اغلبية صحابي بيودوو مراتتهم عند امهم بالاسبوع والاسبوعين عشان مش عارف يمشي البيت من الغلاء .. انا بتكلم عن مثلا 5 أسر ادام عنيا..فما بالك.. بملايين الشباب زيهم"

وقالت أحدهن رافضة الهاشتاج بشكل ساخر:"يعنى انتى بعد متقولى له يا منيل هيتحوزك..طب بعد الجواز هتقولى ايه..اتنيلى وسكتى".

اقرا أيضًا: علماء يتنبؤون بظهور كوكب شبيه بالأرض