يا بلدنا
يا بلدنا يا حبنا
متفقين ضدنا
عاوزين نبني ونزرع
ونحقق حلمنا
إحنا ولادك شبابك
دايبين عاشقين ترابك
عاوزين نوصل سحابك
بس إفتحي لينا بابك
عن صفوف الصدارة
عز علينا غيابك
علشان بنحبك ياغالية
عاوزينك فوق وعالية
وإنتي ملكة وجنابك
مش ممكن تبقى جارية
ميوزيك يعني موسيقى
وبالعامية مزيكا
عمال أرسم وأشخبط وأمسح بالأستيكة
وساعات بحلم وبلون أيامي بالأنتيكا
تحف وفاظات ولوح من أيام تانت ماريكا
اللي أنا معرفهاش خالص لاقديمة ولا فبريكة
ممكن تسمعني كويس
عيش بكرة وإنسى ماضيكا
كان حبة هم ملون من أيام البولوتيكا
حاسب من أيام خوفو وحاسب من أمريكا
حاول تخطي خطوة إسبف أفتح شبابيكا
دا العالم عمال يجري وأنت في نهاد وسيكا
عمال ترقض وتغني ياحلاوتك في الشيكا
ثور وكسر قلعتك وبلاش تعيش
ثور وإعرف بس إن الحق عمره ما ينتهيش
ثور وإعرف بس إن بكرة جاي شموعة
قايدة ماتنطفيش
ُثور وقول للظلم روح.. صرختي أخرتها روح
قلبي نابض بالجروح.. ثور
قلبك جمرة في نار الثورة
عمرك زهرة في جنة بكرة
روحك ومضة ونبضة وفكرة
عمر الفجر ما هيكون ذكرى
وعمر الشمس ما هتخون بكرة
ثور وإعرف إن دربك شوك ونار
والجدار اللي كسرته يليه جدار
والأمل دمعة على خدود النهار
لو تثور تصبح تنور لؤلؤة والكون عمار
لخبوط كبير
لخابيط صغيرة
علامات كتير
تعجب..استفهام..أقواس
نقط..ثرثرة
مربعات مثلثات مدورة
طلاسم مشفرة
رموز مبعثرة
اتجاهات متعاكسة متكسرة
أحلام متكعبرة
سفن سككها متحجرة
إنت محلك سر
ولا طالع ورا
لخبوط كبير
لخابيط صغيرة
*********************************
*من إبداعات على الشحات جاد – موظف بمترو الأنفاق