شباب الكنانة
شباب الكنانة إيديكم معانا
نرجع بلدنا لأعلى مكانة
حننسى اللي فات ونقعد ساعات
نفكر في بكرة لكل الفئات
فلوسنا اللي ضاعت حترجع أكيد
ومش راح نفرط فى دم الشهيـد
وكل اللى يقدر يمد لنا إيد
عشان نبنى مصر فى توبها الجديد
ونقدر نرخص فى سعر الحديد
يا عز الدخيلة مفيش عز تانى
ونهب الأراضي وسلب المبانى
وشوفوا اللى نهبوا وزالوا فى ثوانى
حنرجع نصلح فى كل المواقع
ولازم نفكر عشان يبقى واقع
بلاش التسرع بلاش العناد
وفكر بعقلك في خير البلاد
عشان نبقى صورة جميلة لمصر
يشوفها الأجانب على كل عصر
مطالب كثيرة سعينا إليها
وبالصبر لازم حنحصل عليها
ننور بإيدنا طريق للصغار
ونحكى لولدنا بكل افتخار
ده جشنا عظيم وأصله كريم
وعمره فى مرة ما خان العهود
تاريخه يشرف فى كل الوجود
وبكره حيبقى شبابنا جنود
بجيشنا وعملنا حنرجع نسود
وما نسبش فرصة لناقم حسود
يضيع بخبثه ومكره الجهود
وجيشنا حيحمى نتايج كفاحنا
ولازم نساعده لأنه فى محنة
وإيدنا تداوى ألمنا وجراحنا
ووحدة إيدينا سبيلنا وسلاحنا