الأرض لمن يزرعــها

استأنف مجلس برلمان المصطبة جلساته الأسبوعية لمناقشة الموضوعات اللي مطروحة علي الساحة وهي قضية استصلاح ملايين الأفدنة.

الرئيس: حضرات الإخوة الأعضاء تعلمون جميعا أن هناك صحوة في البلد هدفها رفع مستوي معيشة المواطن وفي مقدمتهم الفلاحين لانهم الأغلبية في الوطن وعلشان كدة الدولة مهتمة فعلا بتحسين أحوالهم ولذلك قررت استصلاح حوالي خمسة مليون فدان وما هو رأيكم.
العضو الفلفوس: لازم ولابد بأن الدولة تعمل قوانين لتمليك الأرض المستصلحة وكمان تقول إن الأرض لا يجوز بيعها أو التصرف فيها لغير المخصصة له.
العضو زعيط: لازم الدولة تحط لوائح وقوانين بعدم التصرف فيهازي ما قال الفلفوس فمثلاً الأرض اللي أعطوها للخريجين من الجامعة وخاصة الزراعيين باعوها لناس تانيين فلازم ولابد عمل قوانين مشددة بعدم التصرف فيها للغير.
العضو معيط: يا جماعة أنتم مش واخدين بالكم لان الأرض اللي وزعوها علي الخريجين وباعوها لانهم مش واخدين علي الغربة ولازقين في حضن أمهم وأبوهم وكمان لا يتجوزوا مفيش مدارس لأولادهم ومفيش وسائل تسلية والغربة صعبة عليهم ودي كلها حاجات غريبة عليهم فلازم ولابد من عمل حلول عشان يقعدوا ويعيشوا.
العضو النمرود: أنتم مش واخدين بالكم والمسألة حلها سهل وبسيط وهو بوضع شرط واضح وصريح في

عقد التمليك وهو لا يجوز شرعا ولا قانونا ولا لأي سبب البيع أو التنازل عن الأرض المخصصة للمنتفع لأي فرد آخر إلا لأحد أولاده أو زوجته وكمان لا يجوز تأجيرها للغير ومن يثبت عليه ذلك تسحب منه الأرض ولازم يكون الكلام واضح وصريح.
النمرود: يا جماعة إحنا شعب مش واخد علي الغربة والولد لازق في أمه وأبوه يقوم يبعد عنهم كدة مرة واحدة فلازم نعمل توعية وكمان حاجات تسحبه من حضن أمه زي وسائل تسلية وترفيه من ملاعب ودار سيما تعرض فيها بعض الأفلام ونادي رياضي للألعاب الخفيفة يعني كدة حاجة تربطه بالمكان لكن تروجوا ترموه في الصحرا فلا يمكن أن يستمر وزي ما شفنا باعوا أرضهم وهجروها.
الرئيس: كفاية كده الجلسة الأولي والله يحفظ مصر وقادتها ورئيسها.

الفلاح الفصيح
عثمان أبوزيد