الصفعة

مقالات الرأى

الجمعة, 17 يناير 2014 23:57
بقلم - ممدوح دسوقي


 

<< إيه اللي حصل فى الاستفتاء؟
< مصر فازت بالضربة الفنية على الجماعة الإرهابية.
<< عاوزين الفوز بالضربة القاضية.
< ده بعد السيسي ما ييجى رئيس.

<< في مصر لا يحترمون الرجل اللي بتحكمه جماعته.
< طبعاً.. علشان كده مصر طلقت جماعة الإخوان.
<< رأي الشعب إيه؟
< خلاص انتهى.. مصر حلقت ذقنها.
<< جماعة الإخوان ليه ضد الشعب؟
< لأنها جماعة مع الأسف!!
<< مصر تغنى لـ«السيسى».
< مش هتنازل عنك أبداً مهما يكون.
<< كل بصمة في استفتاء الدستور فكرتنى بأحاديث الأصابع لـ«مرسى».
< الله يكون في عونه.. كل ديه صوابع هيتحملها.
<< هروب علاء شرابى إلى

قطر.
< آه.. هرب في جزمة الإخوان.
<< بتفكرك بإيه أسماء جماعة الإخوان؟
(الشاطر، العياط، البلتاجى، العريان، الجزار، الكتاتنى).
< بتفكرنى بأسماء عصابة أبو شفطورة.
(بشلة، سنجة، أبو قورة، المدب، حكشة، العرة).
<< ما هو الفيلم المفضل للإخوان والأمريكان؟
< مش عاوزه كلام فيلم «الصفقة».
<< والفيلم المفضل للشعب المصرى؟
< الصفعة.
<< قالوا.. اللي بني مصر كان في الأصل حلوانى.
< آه.. واللى بيهد فيها وبيخونها إخوانى ابن إخوانى.
<< عمرك شفت برغوث بيصارع فيل؟
< آه.. قطر بجزيرتها بتصارع مصر بحضارتها.
<< إيه نتيجة صراع الفريق (السيسي) مع الجماعة (الإرهابية)؟
< قولوا لأبوها إن كان جعان يتعشى.