رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

إنتي يا بدلة في خدمتي (1)

مدونات

الخميس, 02 ديسمبر 2010 10:16
كتب : محمد السيد



ابصم بالعشرة إن إنتى يا بدلة فى خدمتى

مظبطانى . ولا عمرك مرة جيتى ناحيتى

 

لا مقصرة....ولا فيه افترى....ولا فيه أفا واحد اتهرى

لا رمى بلى....ولا بهدلة......ولافيه فضايح متلتلة

اقطع لسانى لو أقول عليكى بترتشى .. كداب كبيير اللى يقول بتنهبى أو تهبشى

ظالمها ليه . يا راجل بقى

عيب اختشى .... ما هى زى الفل الله ينور..طب ليه بتغلط فى بدلتى بدلتى

ابصم بالعشرة إن انتى يا بدلة فى خدمتى

قال تفترى.. ديه بقى على جثتى

لا فيه جليَطة ... ولا مرمطة....ولا فيه مهازل مرطرطة

لو حكاية معصلجة .. مفيش كربجة ... حد الله بينك وبين البلطجة

الضمير ثم الضمير .. والغفير زى الوزير ... والصغير والكبير.. من على الارض اتشالوا شيل

وضيفك إهو معزز مكرم...عنفك ضده شئ محرم .. ولا بتقولى إن ده مجرم .. مستحيل غير بالدليل

تعظيم سلام يا بدلة عارفة .. تستاهلى يجى 100 ألف صاقفة....ده إنتى حاطة الدنيا فى كفة..وفى كفة راحتى وصحتى

أهم الاخبار