رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

كروش

مدونات

الخميس, 02 ديسمبر 2010 10:10
كتب : محمد السيد

كروش

كروش منفوخة وأصحابها واصلة

وصوتنا مش نافع ببصلة

ديه طالعة واكلة ونازلة واكلة

ولا مين شاف ولا مين درى

 

ديه رايحة تلهط وجاية تلهط

وفى حقنا عمالة تزلط

واللى اتهف فى عقله وهيغلط

وحياة أمى أفاه ليتهرى

 

كروش ولا عاتلة هم غيرها ... والناس خلاص جابت آخرها ..روحها بقت أهى فى مناخيرها....طافحة القوتة طالع عينها

كروش واصحابها على الكرسى لازقة...واللى يضايقها ليلة اهله زرقة...لو فيه مشكلة او حالة طارئة..على طول بتقلب من بنها

 

كروش منفوخة وياريت بتشبع

لكن احنا غلابة ياكش نولع

ده من هدومنا خلاص هنطلع

واتحرق دم اللى جابنا

أهم الاخبار