انتخبونى !!!

من مدونة انتخبونى لصاحبها يحيى الذى اكتفى بذكر الاسم الأول فقط

وِيفيد بِإيه إنْ كُنت زِيد أو كُنت عِيد وِمَفِيش رَصِيد

وأنا بِيتِى فاضى بصرُخ وَنادى على يُوم سعِيد

وِاليُوم ناسِينِى وِتفُوت سِنِينِى وأنا مُوش لاقينى

مصراوى يابا وِالقُوت شِدِيد وِتمَلِّى جِيبى على الحديد

جَناب سِيادته عالشَّعب دايِر بِيقول غَناوى

وِسط الغلابه ياما كان بِِيِغزِل فيلم وحكاوى

"عشان بلادى وعيون ولادى رشَّحت نفسى"

فى البرلمان.. نايِم يِشَخَّر.. وِكَإنُّه غاوى

لمّا النُّفوس لجل الفلوس تِركَع يا باشا

وِسَواد عِيشِتكم يوم انتخابى يِكُون بُوغاشا

والواد صاروخ يِِِمْسَح لى جوخ اِبن الَّلذِينا

تِبقى البلاد راحت بلاش ياواد يا خيشا

موبايلات.. فانِلات.. شُرَبَات

كَباب وكُفته..، وِمْخَلِلات

إدِّينى صُوتك وِبلاش تِتََنِّح

فَرفِش وِنَعنِش قبل الممات