على تونس الخضرة

مدونات

الاثنين, 17 يناير 2011 13:16

وأرضها الحرة

خدنى يا قطر الأمل

وصلنى للثوار

وأوصلنى بالأحرار
أشرح لهم ذلى
وأوصف لهم أملى
أنى أكون زيهم
في قولى وفي عملى
*******
على تونس الحرة
وشعبها الثائر
آخد هناك عبرة
واتهنى يا جزائر
لما أشوف الشعب
قادر يخطى الصعب
ويثور على الفجرة
فى تونس الحرة
****
سيدى بوزيد قامت
مدد .. يا سيدى بوزيد
مهما السيوف نامت
النصر له مواعيد
عمره ما يخلفها
لو عسكر الحاكم
كان مفترى وظالم
لك جيش يا شعب العرب
حامى حماك
حاكم قالوا زمان حكمة
لو تشترى المملوك وتعسكره
يتنمرد
أما اللى نسل ملوك
وأبوه شقيق لأبوك
هيصون حماك حتى
لو كنت متمرد
***
وعلى سيرة الأحرار
يا شعب لو ليك جار
اتأمله وشوفه
كيف عدى على خوفه
وواجه الأخطار
لاجل السواد ينجلى
ونلتقى له نهار
******
مين أولى بالشفعة
غيرك يا متخاذل
متقولشى مش نافعة
ده انت اللى بيه قابل
طب قول له لأه فى يوم
وشوف هيستنى
يحكم ويتهنى
ولا هيتنازل
عن عرشه فى مقابل
راسه على صدره
تقعد وتستنى
نقلا عن مدونة : مذكرات مواطنة مصرية" ميادة مدحت "

أهم الاخبار